Frankfurt, 4 nëntor - Me këtë makinë kursimtare, Volkswagen do bëjë goditjen e madhe. Brenda dy vitesh në rrugë do jetë super-kursimtarja me dy vende. Lajmin e bën të ditur shefi i kompanisë gjermane në një intervistë.

VW e prezantoi makinën- sensacion si për inat të sheikëve në një panair makinash në Katar në janar të këtij viti. Modeli ka një motor diesel me dy cilindra, me 48 kuaj fuqi dhe me një elektro- motor prej 27 kuajsh fuqi.

Deri në 35 kilometra makina ecën vetëm nga furnizimi me energji elektrike. Në total për 100 kilometra do harxhojë më pak se 2 litra karburant. Çmimi në treg pritet të nisë nga 35 mijë euro.