22 Mars 2023

Ujësjellësi 'Prishtina' siguron qytetarët për furnizim stabil me ujë të pijshëm

Prishtinë, 14 mars - Kompania Rajonale e Ujësjellësit 'Prishtina' ka njoftuar se përveq zbatimit në përpikëri të masava kundër përhapjes së Koronavirusit, në të gjitha objektet administrative, fabrikat e ujit, stacionet e pompave, rezervuarëve, mjeteve transportuese të punës, i siguron qytetarët në zonën e shërbimit të gjithsej tetë komunave, furnizim stabil me ujë të pijshëm.

UD i kryeshefit ekzekutiv Kapllan Parduzi bashkë me zyrtarin kryesorë financiar Sokol Duraku vizituan natën e mbrëmshme në orën 23:00 të gjitha fabrikat e trajtimit të ujit të pijshëm, fabrikën në Shkabaj, Badoc e Albanik duke vazhduar më pas me stacionet e pompave dhe disa nga rezervuarët e ujësjellësit.

Ata vizituan punëtorët kujdestar dhe në të njejtën kohë u njoftuan me gjendjen reale rreth furnizimit me ujë për qytetarët.

Z. Parduzi i siguron të gjithë konsumatorët se sa i përket çështjes së furnizimit me ujë, cilësisë së ujit dhe gjithçka që ndërlidhet me fushëveprimtarinë e kompanisë karshi konsumatorit, është gjithçka në rregull dhe i siguron të gjithë që procesi i monitorimit të furnizimit me ujë nuk do të ndalet asnjë moment.

Në të njejtën kohë, laboratori i akredituar i KRU 'Prishtina' po vazhdojnë punën e tyre në monitorim të pandërprerë të analizave fiziko-kimike dhe bakteriologjike të ujit të pijshëm.

"Ne tashmë, kemi në dispozicion të pandërprerë edhe ekipet e mirëmbajtjes së rrjetit të ujësjellësit dhe kanalizimit të cilët  janë në shërbimin tuaj", ka theksuar Parduzi.

Nëse hasni në rrjedhje të ujit nga gypat primar, sekondar apo terciar dhe nëse shihni ndonjë bllokim të pusetave të kanalizimit ,kudo qofshin brenda zonës së operimit, thërrisni në numrin kujdestar +383 44 520 270.

UD i kryeshefit ekzekutiv z. Parduzi i siguron të gjithë konsumatorët që, nuk ka vend për panik për çdo gjë që ndërlidhet me proceset e fushës së ujësjellësit dhe kanalizimit.

,, Jini të vëmendshëm për shëndetin tuaj, asgjë më të vlefshme nuk ka andaj, të mbrojmë njëri tjetrin duke pastruar vazhdimisht duart me ujë,,!

Kalendari

Ngjarjet e datës 22 mars 2023

- Asociacioni i Qendrave për Punë Sociale dhe Departamenti Punë Sociale, Universiteti i Prishtinës “Hasan Prishtina” organizon ditën e dytë të konferencës se dytë Nacionale për shënimin e Ditës Botërore të Punës Sociale. (Fakulteti Filozofik i Universitetit të Prishtinës, ora 9:30)

- Administrata Tatimore e Kosovës në bashkëpunim me Iniciativën Kosovare për Stabilitet organizojnë panel diskutimi me temë “Formalizimi i punësimit”. (Biblioteka Kombëtare, ora 10:00)

- Ministria e Mjedisit, Planifikimit Hapësinor dhe Infrastrukturës organizon takim publik për hartimin e Koncept Dokumentit të Fushës së Ujërave. (Hotel Garden, ora 10:00)

- Ideatorët e platformës "Liria ka emër", Eliza Hoxha dhe Ismail Tasholli, do të vizitojnë Organizatat e dala nga lufta të UÇK-së. (Zyrat e Organizatave të dala nga lufta të UÇK-së, ora 11:00)

- Presidentja e Kosovës, Vjosa Osmani, dhe ministri i Shëndetësisë, Arben Vitia, vizitojnë Klinikën e Gjinekologjisë në QKUK, ku planifikohet të fillojnë shërbimet për Fertilizim të Asistuar Mjekësor (FAM) në shërbimin publik. (Klinika Gjinekologjike në QKUK, ora 11:00)

- Myftiu i Kosovës, Naim Tërnava, jep mesazhin me rastin e fillimit të muajit të Ramazanit. (Selia e BIK-ut, ora 11:00)

 - Kuvendi i Republikës së Kosovës vazhdon seancën plenare. (Kuvendi i Kosovës, ora 12:00)

- Në shënimin e Javës Ndërkombëtare e Parasë, Shoqata e Bankave të Kosovës zhvillon një vizitë në shkollën "Thimi Mitko" në Gjilan. (Gjilan, ora 13:30)

- Instituti Demokratik i Kosovës në bashkëpunim me Transparency International organizon tryezën e diskutimit “Buxhetimi gjinor në kuadër të partive politike në Kosovë”, një diskutim i përbashkët mes kryetareve të forumeve të grave të partive kryesore në vend, trupave menaxhuese zgjedhore, shoqërisë civile dhe korit diplomatik në vend. (Hotel Sirius, ora 14:00)