31 Mars 2023

Shtresa e naftës arrin në bregdetin e Shteteve të Bashkuara

Louisiana, 30 prill - Shtresa e naftës në Gjirin e Meksikës ka arritur siç pritej në bregdetin e shtetit të SHBA-së Louisiana. Nafta e derdhur ka nisur të hyjë në deltën e Mesisipit.

Valët e larta bënë që të dështonin përpjekjet për të penguar përhapjen e naftës me barriera lundruese.

Të kërcënuar ndër të tjera janë sistemi ekologjik  dhe ekonomia e peshkimit. Qeveria amerikane  foli për një "katastrofë kombëtare", ndërkohë që në Lousiana është shpallur gjendje e jashtëzakonshme.

Presidenti Barack Obama urdhëroi që të angazhohet edhe ushtria dhe marina detare për ndalimin e shpërndarjes së shtresës së naftës.

Koncerni britanik, BP operatori i platformës së naftës që pësoi havari, kërkoi zyrtarisht ndihmë nga Pentagoni.

Shtëpia e Bardhë njoftoi se BP do të marrë përsipër shpenzimet për pastrimin e ambjentit.

Ushtria amerikane është bashkuar me rojën bregdetare në përpjekje për të ndalur përhapjen e njollës së naftës në Gjirin e Meksikës.

Në oqean mund të jetë derdhur pesë herë më shumë naftë nga sa është llogaritur, pas shpërthimit të platformës javën e kaluar.

Njolla e naftës ka një përmasë prej 45 dhe 105 miljesh, pothuajse sa sipërfaqja e Xhamajkës, dhe po u drejtohet brigjeve amerikane.

Ndërkohë, një rrjedhje tjetër nafte është zbuluar dhe ekspertët paralajmërojnë se katastrofa mund të jetë më e madhja e regjistruar ndonjëherë.

Kalendari

Ngjarjet e datës 31 mars 2023 - Me rastin e shënimit të 24 vjetorit të masakrës së Burimit, Komuna e Malishevës organizon akademi përkujtimore. (Salla e Kuvendit të Komunës së Malishevës, ora 11:00)

- Lëvizja FOL organizon konferencë me ç’rast do të prezantohen gjetjet nga monitorimi i publikimit të vendimeve nga gjykatat e Kosovës për vitin 2022, si dhe në bazë të këtyre gjetjeve do të ndahet “Çmimi për Gjykatën më Transparente” - për dedikim të vazhdueshëm në ngritjen e transparencës përmes publikimit të vendimeve gjyqësore. (Swiss Diamond Hotel, ora 11:00)

- Kryetari I Federatës Sindikale te Sektorit Privat të Kosovës, Jusuf Azemi do të mbaj konferencë për shtyp lidhur me protestën dhe grevën e punëtorëve teknik të këtij spitali që veq ka filluar para dy ditësh. (Spitali Isa Grezda në Gjakovë, ora 11:00)

- Komisioni për Punë të Jashtme dhe Diasporë diskuton lidhur me kërkesën për zhvillim të diplomacisë parlamentare nga Qendra për Studime Politike dhe Diplomatike. (Ndërtesa e Kuvendit, salla N303, ora 11:00)

- Mbahet manifestimi përkujtimor me rastin e 24-vjetorit të vrasjes dhe masakrimit të 106 civilëve në fshatin Pastasel të komunës së Rahovecit. (Kompleksi i Martirëve, Pastasel, ora 11:00)

- Kryetari i Komunës së Malishevës Ekrem Kastrati bën homazhe në varrezat e martirëve në fshatin Dragobil dhe të Kompleksi në vendin e ngjarjes Vrella e Mëhillit. (Fshati Burim, ora 12:00)

- Komuna e Prishtinës përuron hapësirën e dedikuar për sigurinë e nxënësve dhe komunitetin në hapësirat përreth Shkollës Fillore “Elena Gjika”. (Afër shkollës, ora 13:00)

- Komiteti Olimpik i Kosovës organizon Asamblenë e Punës për vitin 2022. (Hotel Emerald, ora 17:00)