31 Mars 2023

Nissan vendos të mbyllë fabrikat prodhuese në Barcelonë

Barcelonë, 28 maj - Qeveria e Spanjës ka bërë të ditur se prodhuesi japonez "Nissan Motor Co." ka vendosur të mbyllë fabrikat prodhuese në rajonin verilindor të Katalonjës, duke rezultuar me humbjen direkte të rreth 3.000 vendeve të punës.

Ministria e Industrisë e Spanjës përmes një deklaratë të enjten tha se i “vjen keq për vendimin e kompanisë” pavarësisht propozimeve për të mbajtur në punë fabrikën dhe u kërkon drejtuesve të prodhuesit të makinave të marrin në konsideratë alternativat.

Sindikatat e punëtorëve kishin paralajmëruar se 20.000 vende të tjera pune në zinxhirin e furnizimit lokal të Nissan gjithashtu do të kërcënoheshin nëse kompania do të mbyllte fabrikën e saj të prodhimit të makinave në Barcelonë dhe dy fabrikat më të vogla në qytetet e afërta.

Nissan me bazë në Yokohama duhet të raportojë të enjten rezultatet vjetore, të cilat pritet të jenë si humbja e parë vjetore në 11 vjet.

Kompania po kalon një ristrukturim të thellë, duke u përqendruar në Kinë, Amerikën e Veriut dhe Japoni dhe duke ia lënë tregun evropian, rus, Amerikën e Jugut dhe Afrikën e Veriut partnerit të saj Renault dhe Azinë Juglindore dhe Oqeaninë Mitsubishi-t.

Kalendari

Ngjarjet e datës 31 mars 2023 - Me rastin e shënimit të 24 vjetorit të masakrës së Burimit, Komuna e Malishevës organizon akademi përkujtimore. (Salla e Kuvendit të Komunës së Malishevës, ora 11:00)

- Lëvizja FOL organizon konferencë me ç’rast do të prezantohen gjetjet nga monitorimi i publikimit të vendimeve nga gjykatat e Kosovës për vitin 2022, si dhe në bazë të këtyre gjetjeve do të ndahet “Çmimi për Gjykatën më Transparente” - për dedikim të vazhdueshëm në ngritjen e transparencës përmes publikimit të vendimeve gjyqësore. (Swiss Diamond Hotel, ora 11:00)

- Kryetari I Federatës Sindikale te Sektorit Privat të Kosovës, Jusuf Azemi do të mbaj konferencë për shtyp lidhur me protestën dhe grevën e punëtorëve teknik të këtij spitali që veq ka filluar para dy ditësh. (Spitali Isa Grezda në Gjakovë, ora 11:00)

- Komisioni për Punë të Jashtme dhe Diasporë diskuton lidhur me kërkesën për zhvillim të diplomacisë parlamentare nga Qendra për Studime Politike dhe Diplomatike. (Ndërtesa e Kuvendit, salla N303, ora 11:00)

- Mbahet manifestimi përkujtimor me rastin e 24-vjetorit të vrasjes dhe masakrimit të 106 civilëve në fshatin Pastasel të komunës së Rahovecit. (Kompleksi i Martirëve, Pastasel, ora 11:00)

- Kryetari i Komunës së Malishevës Ekrem Kastrati bën homazhe në varrezat e martirëve në fshatin Dragobil dhe të Kompleksi në vendin e ngjarjes Vrella e Mëhillit. (Fshati Burim, ora 12:00)

- Komuna e Prishtinës përuron hapësirën e dedikuar për sigurinë e nxënësve dhe komunitetin në hapësirat përreth Shkollës Fillore “Elena Gjika”. (Afër shkollës, ora 13:00)

- Komiteti Olimpik i Kosovës organizon Asamblenë e Punës për vitin 2022. (Hotel Emerald, ora 17:00)