24 Mars 2023

Intensifikohet bashkëpunimi i Ujësjellësit ”Prishtina” me KFOR-in,

Prishtinë, 27 mars - Gjatë ditës së sotme, kryeshefi ekzekutiv i Kompanisë Rajonale te Ujësjellësit ”Prishtina”, Ilir Abdullahu  u takua me Major Tahir Çuka, nga KFOR-i dhe drejtorin e SHUKOS-it, Abdullah Dërguti.

Gjatë këtij takimi që u mbajt në zyrat e Ujësjellësit të Prishtinës, përveq që u diskutua për çështjet që kanë të bëjnë me të arriturat, sfidat , gjendjen e infrastrukturës së rrjetit të ujësjellësit dhe kanalizimit, ndërtimin e fabrikës së trajtimit të ujit në Shkabaj, sigurinë e mbrojtjes së liqeneve akumuluese përfshirë mbrojtjen e burimeve ujore, kryeshefi ekzekutiv Ilir Abdullahu ritheksoi përkushtimin maksimal kundrejtë bashkëpunimit të qëndrueshëm me secilin Institucion, përfshirë edhe KFOR-in në Republikën e Kosovës, në funksion të ngritjes së efiçiencës dhe furnizimit sa më të mirë të qytetarëve me ujë të pijshëm dhe mbrotjen e burimeve ujore.

Ai, njëkohësisht falënderoi të gjithë pjesëtarët e KFOR-it, që na kanë dalë në ndihmë çdoherë, për të gjitha kërkesat e bëra nga ana e kompanisë dhe poashtu  për mbështetje të të gjitha projekteve që ndërlidhen me investimet në rrjetin e ujësjellësit, e të kanalizimit , qoftë në komunën e Prishtinës apo edhe komunave të tjera.

Nga ana tjetër, përfaqësuesi i KFOR-it në Kosovë, Major z. Çuka  u zotua në mbështetjen e vazhdueshme që ky institucion do t’i ofrojë KRU”Prishtina” sh.a. Bashkëpunimi i ndërsjellë, që lidhet direkt me cilësinë e jetës së qytetarëve, u fokusua në sigurinë e mbrojtjes së burimeve ujore me theks të veçantë për gjendjen momentale të digave të liqeneve akumuluese sipërfaqësore.

Kalendari

Ngjarjet e datës 24 mars 2023

- Zëvendëskryeministri Besnik Bislimi dhe ambasadorin e BE-së në Kosovë, Tomas Szunyog, nënshkruajnë marrëveshjen financiare ndërmjet Kosovës dhe Bashkimit Evropian për programin vjetor IPA 2022. (Ndërtesa e Qeverisë, ora 9:00)   

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Edukimin në Fëmijërinë e Hershme dhe Projektligjin pÑ‘r Agjencinë e Kosovës për Akreditim;  (Ndërtesa e Kuvendit, salla N303, ora 10:00)

- Në kuadër të Javës Ndërkombëtare e Parasë, Shoqata e Bankave të Kosovës viziton shkollën fillore “Naim Frashëri” në Vushtrri. (Shkolla “Naim Frashëri” në Vushtrri, ora 10:00)

- Kryetari i AAK-së, Ramush Haradinaj, bën homazhe në Kompleksin Memorial “Dëshmorët e Kombit” në Gllogjan. (Fshati Gllogjan, ora 11:00)

- Mbahet manifestimi qendror në shënim të 25-vjetorit të Epopesë së Dukagjinit dhe 24-vjetorit të ndërhyrjes së NATO-s. Merr pjesë dhe kryetari i AAK-së, Ramush Haradinaj. (Gllogjan, ora 12:00)

- Pas qëndrimit 3 ditor në protestë punëtorët teknik të 10 shkollave të komunës së Prishtinës takohe me kryetarin të Shoqatave Sindikale për veprimet e mëtutjeshme sindikale. (Selia e Federatës se Pavarur e Sektorit Privat të Kosovës, ora 12:30)

- Komisioni për Buxhet, Punë dhe Transfere diskuton rreth situatës në Trustin Pensional ku të ftuar janë guvernatori i BQK-së, Fehmi Mehmeti; Auditorja e Përgjithshme, Vlora Spanca; ministri i Financave, Hekuran Murati dhe drejtori menaxhues i Trustit, Adrian Zalli. (Kuvendi i Kosovës, C203, ora  13:30)

- PSD do të mbajë konferencë për media ku do të flas kryetari i PSD-së, Dardan Molliqaj, rreth protestës të së shtunës. (Zyrët qendrore të PSD-së, ora 15:00)

- Për nder të 24 marsit, Ditës së Bombardimeve ndaj forcave serbe, Rrjeti i OJQ-ve "AVONET" organizon "Kafen e Miqësisë dhe Falenderimeve". (Lokali “Mom Ami” në “The Village&Shopping&Fun” Ferizaj, ora 19:30)