24 Mars 2023

Industria e naftës ka nevojë për investime në nivel global

Vjenë, 6 nëntor - Organizata e Vendeve Eksportuese të Naftës (OPEC) bëri të ditur se, rreth 10,6 trilion dollarë investime do të nevojiten në planin global për të mbajtur kërkesat e parashikuara të furnizimit me naftë gjatë periudhës 2019 deri në 2040.

Kërkesa e investimeve globale të naftës në rrjedhën e sipërme për periudhën 2018-2040 vlerësohen në 8.1 trilion dollarë, sipas OPEC-ut, duke shtuar se shumica e kësaj do të ishte në vendet jo-anëtare të saj.

Një trilion dollarë tjera kërkohen në sektorin e rrjedhës së mesme, ndërsa investimet globale në rrjedhën e ulët vlerësohen diçka më shumë se 1.4 trilion dollarë.

Kërkesa totale për energji parësore pritet të rritet me 25 për qind ndërmjet 2018 dhe 2040 me energji të ripërtëritshme duke hapur rrugën në drejtim të rritjes.

OPEC sugjeron se nafta dhe gazi ende parashikohen të plotësojnë më shumë se 50 për qind të nevojave të energjisë në botë deri në fund të periudhës së parashikuar.

Sipas raportit të OPEC-ut, nga perspektiva e kërkesës së naftës, dhe duke pasur parasysh shenjat e fundit të tensionimit në ekonominë globale në afat të shkurtër dhe të mesëm, perspektiva për kërkesën globale të naftës është ulur këtë vit në 110.6 milion fuçi për çdo ditë.

Në planin afatgjatë, kërkesa për produktet e OPEC-ut do të rritet në 44.4 milion fuçi në ditë deri në vitin 2040, sipas parashikimeve të OPEC.

Për sa i përket tregtisë globale të naftës së papërpunuar vlerësohet të mbetet relativisht statike në rreth 38 milion fuçi në ditë midis 2018 dhe 2025, përpara se të rritet pas kësaj në rreth 42 milion fuçi në ditë deri në 2040.

Kalendari

Ngjarjet e datës 24 mars 2023

- Zëvendëskryeministri Besnik Bislimi dhe ambasadorin e BE-së në Kosovë, Tomas Szunyog, nënshkruajnë marrëveshjen financiare ndërmjet Kosovës dhe Bashkimit Evropian për programin vjetor IPA 2022. (Ndërtesa e Qeverisë, ora 9:00)   

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Edukimin në Fëmijërinë e Hershme dhe Projektligjin pÑ‘r Agjencinë e Kosovës për Akreditim;  (Ndërtesa e Kuvendit, salla N303, ora 10:00)

- Në kuadër të Javës Ndërkombëtare e Parasë, Shoqata e Bankave të Kosovës viziton shkollën fillore “Naim Frashëri” në Vushtrri. (Shkolla “Naim Frashëri” në Vushtrri, ora 10:00)

- Kryetari i AAK-së, Ramush Haradinaj, bën homazhe në Kompleksin Memorial “Dëshmorët e Kombit” në Gllogjan. (Fshati Gllogjan, ora 11:00)

- Mbahet manifestimi qendror në shënim të 25-vjetorit të Epopesë së Dukagjinit dhe 24-vjetorit të ndërhyrjes së NATO-s. Merr pjesë dhe kryetari i AAK-së, Ramush Haradinaj. (Gllogjan, ora 12:00)

- Pas qëndrimit 3 ditor në protestë punëtorët teknik të 10 shkollave të komunës së Prishtinës takohe me kryetarin të Shoqatave Sindikale për veprimet e mëtutjeshme sindikale. (Selia e Federatës se Pavarur e Sektorit Privat të Kosovës, ora 12:30)

- Komisioni për Buxhet, Punë dhe Transfere diskuton rreth situatës në Trustin Pensional ku të ftuar janë guvernatori i BQK-së, Fehmi Mehmeti; Auditorja e Përgjithshme, Vlora Spanca; ministri i Financave, Hekuran Murati dhe drejtori menaxhues i Trustit, Adrian Zalli. (Kuvendi i Kosovës, C203, ora  13:30)

- PSD do të mbajë konferencë për media ku do të flas kryetari i PSD-së, Dardan Molliqaj, rreth protestës të së shtunës. (Zyrët qendrore të PSD-së, ora 15:00)

- Për nder të 24 marsit, Ditës së Bombardimeve ndaj forcave serbe, Rrjeti i OJQ-ve "AVONET" organizon "Kafen e Miqësisë dhe Falenderimeve". (Lokali “Mom Ami” në “The Village&Shopping&Fun” Ferizaj, ora 19:30)