New Delhi , 12 janar - Ford-i për panairin e veturave në New Delhi “2012 Auto Expo”, ka përgatitur një befasi të llojit të vet – Crossover me motor 1.0 litërsh EcoBoost.

Duke marrë parasysh se ky Crossover me motor të vogël turbo do të jetë tejet ekonomik, por edhe i përshtatshëm ekologjikisht, shenja EcoSport duket ideale.

EcoSport Concept vjen në platformën e Ford Fiesta-s e cila me të gjitha parametrat bën pjesë në segmentin “B”. Disa ide të dizajnit janë marrë nga koncepti Evos, premiera e të cilit është mbajtur në panairin e Frankfurt-it, vitin e kaluar.

Kjo në rend të parë ka të bëj me maskën trapezoide të motorit. Ajo që gjendet nën këtë kapak, është motori 1.0 litërsh turbo-benzinë me injektim direkt të karburantit, i cili jep 120 kuaj fuqi, çka është e mjaftueshme. Të dhëna të tjera për momentin nuk ka.