Romë, 21 nëntor - Fiat ka prezantuar në panairin e Los Angeles-it "LA Auto Show 2011" makinën e saj të re: 500 Abarth. Motoja e reklamës për këtë model është “kurrë nuk do ta harrosh pas shikimit të parë”.

Me këtë model Fiat duket se po korrigjon gabimet e mëparshme në tregun amerikan pasi duhet thënë se deri tani nuk ka tërhequr shumë blerës për makinat e vogla të saj edhe pse pagoi një shumë të majme për një reklame me Jenifer Lopez.

Këtë herë Fiat ka zgjedhur si figurë të njohur për reklamë aktorin Richard Gere. Ndërsa në një tjetër reklamë, Fiat “luan” me dashurinë e meshkujve për makinat.