29 Maj 2023

Çmimet e prodhuesve industrial në Eurozonë rrite për 36 për qind

Bruksel, 5 korrik - Sipas të dhënave të zyrës statistikore të Komisionit Evropian (Eurostat), çmimet e prodhuesve industrial në Eurozonë janë rritur për 36,3 për qind, ndërsa në Bashkimin Evropian (BE) për 36,4 për qind.

Sipas një deklarate nga 'Eurostat', në baza mujore çmimet u rritën për 0,7 për qind në Eurozonë dhe 0,8 për qind në bllokun evropian prej 27 anëtarësh.

Energjia ishte sërish faktori kryesor në rritjen e çmimeve, e cila në të dyja zonat evropiane pothuajse u dyfishua në krahasim me një vit më parë.

“Çmimet e prodhuesve industrialë në Eurozonë në maj të vitit 2022, krahasuar me majin e vitit 2021, janë rritur për 94,4 për qind në sektorin e energjisë, 25 për qind për produktet gjysmë të gatshme, 12,3 për qind për mallrat me afat të kufizuar të konsumit të gjerë, 9,1 për qind për produktet afatgjate të konsumit të gjerë dhe 7,5 për qind për mallrat kapitale”, njoftoi Eurostat.

Eurozona është një bashkim monetar që bashkon 19 nga 27 vendet anëtare të BE-së që përdorin monedhën e përbashkët evropiane, euron.

Kalendari

Ngjarjet e datës 29 maj 2023

- Deputetja e Parlamentit Evropian dhe Raportuesja e Përhershme për Kosovën Viola Von Cramon - Taubadel do të mbajë një konferencë për shtyp. (Shtëpia e Evropës në Prishtinë përballë Zyrës së BE-së, ora 11:30)
 
- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e ligjeve që përcaktojnë shumën e beneficionit në lartësi të pagës minimale, procedurat e caktimit të pagës minimale dhe shkallët tatimore në të ardhurat personale vjetore. (Ndërtesa e Kuvendit, salla C203, ora 13:30)

- Koncerti i radhës, bashkëpunim i Chopin PianoFEST Prishtina me Filharmonine e Kosovës, sjell në skenë 2 artistë të shquar  nga Mbreteria e Bashkuar Peter Donohoe, doajenin e pianos dhe dirigjentin Robert Guy, për të performuar së bashku me Filharmoninë e Kosovës Koncertin nr.3 të S. Rachmaninof, me rastin e 150 vjetorit të këtij kompozitori gjenial të epokës së romantizmit. (KlanArena, ora 20:00)