Washington, 27 gusht - Një zjarr masiv në Kaliforninë veriore ka përfshirë pjesën perëndimore të Parkut Kombëtar Josemite dhe po kërcënon furnizimin me ujë dhe me energji elektrike të qytetit të San Franciskos.

Mbi 2 mijë 600 zjarrfikës po luftojnë me flakët, që po djegin rreth 52 mijë hektarë tokë dhe po kërcënojnë 5 mijë e 500 shtëpi.

Disa qytete i kanë udhëzuar banorët të evakuohen. Guvernatori i Kalifornisë, Jerry Brown, lëshoi urdhërin për gjendjen e emergjencës në San Francisikn, që është  rreth 240 kilometra larg zjarreve.

Dy uzina hidroleketrike në rajon u mbyllën për shkak të zjarrit. Në disa shtete amerikane janë duke u djegur dhjetra zjarre që nga shteti jugor i Arizonës, e deri tek ai verior i Washingtonit, madje edhe në Alaskë.

Shërbimi i Pyjeve i Shteteve të Bashkuara thotë se këtë vit 31 mijë e 986 zjarre kanë djegur 1,4 milionë hektarë tokë në Shtetet e Bashkuara.