Prishtinë, 14 mars - Komisioni për Bujqësi, Pylltari, Zhvillim Rural dhe Mjedis e Planifikim Hapësinor, nën  kryesimin e Nait Hasanit, kryetar, sot mbajti mbledhjen konstituive të tij.

Në mbledhjen e sotme, anëtarët e Komisionit diskutuan për planin e punës së Komisionit, agjendën e mbajtjes së mbledhjeve në të ardhmen, bashkëpunimin me ministritë përkatëse, si dhe shoqatat dhe organizatat relevante në dobi të punës së Komisionit.

Anëtarët e Komisionit në mbledhjen e sotme shprehën përkushtimin e tyre për punë sa më  efikase të Komisionit.

Komisioni do të përbëhet nga kryetari, dy nënkryetarë dhe gjashtë anëtarë.