29 Mars 2024

ORCA kërkon përjashtimin nga Universiteti plagjiatorët Dugolli e Kastrati

Prishtin, 13 shkurt - Organizata për Rritjen e Cilësisë në Arsim (ORCA) ka deklaruar se sot kur po bëhen gati dy vite nga denoncimi fillestar i plagjiaturës së profesorëve Bujar Dugolli dhe Ardian Kastrati, ORCA dorëzoi përfundimisht ankesën në instancën në Këshillin Drejtues të UP-së, që njëherit është instanca e fundit brenda universitetit për ankimim.

Në këtë ankesë ORCA listoi 5 pikat kyçe që vërtetojnë përtej çdo dyshimi se procesi i trajtimit të këtij rasti ka dështuar në të gjitha hallkat institucionale që kanë përgjegjësi trajtimin e shkeljeve etike akademike.

Këshilli i Et5ikës dhe Senati akademik i Universitetit të Prishtinës kanë dështuar ta respektojnë rregullativën në fuqi duke: shqiptuar masa kundërthënëse; shqiptuar masa të pabazuara në rregulloren përkatëse; shkelur parimin e proporcionalitetit të masës ndëshkimore me seriozitetin e shkeljes së kryer, të përcaktuar në rregulloren përkatëse; shkelur parimin e garancisë së mospërsëritjes; mos evidentuar shkeljen e dokumentit më të lartë rregullues të Universitetit të Prishtinës, Statutit të tij;

ORCA konstaton se janë pjekur të gjitha kushtet ligjore dhe disiplinore që plagjiatorëve (siç i ka kategorizuar Këshilli i Etikës dhe Senati në vendimet e cekura në këtë dokument), Prof. Dr Bujar Dugolli dhe Prof. Ass. Ardian Kastrati, t’u shqiptohet masa e largimit nga Universiteti i Prishtinës.

ORCA përmes kësaj ankese kërkon nga Këshilli Drejtues i UP-së të marrë masën disiplinore sipas Nenit 8, paragrafit 1.10. të Rregullores: “ndërprerje të marrëdhënies së punës” për autorët e plagjiaturës (të përcaktuar nga Këshilli i Etikës dhe Senati i UP-së) Prof. Dr. Bujar Dugolli dhe Prof. Ass. Ardian Kastrati.

Nëse nuk ndëshkohen plagjiatorët me perjashtim edhe në instancën e fundit, atëherë përgjegjës për rehabilitimin e tyre dhe për kompromentimin e sistemit arsimor dhe integritetit akademik të universiteteve publike  janë: Rektori i Universitetit të Prishtinës Qerim Qerimi, si drejtues i Senatit Akademik, i zgjedhur nga Këshilli Drejtues; Kryetari i Këshillit Drejtues Altin Sahiti, i emëruar nga Ministrja e Arsimit Nagavci; dhe Ministrja e Arsimit Arbërie Nagavci.

 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)