31 Mars 2023

Turizmi në Shqipëri, bizneset ankohen për taksën në hotel

Tiranë, 30 gusht - Në mbyllje të sezonit turistik, bizneset e këtij sektori bëjnë analizën mbi problemet që pengojnë zhvillimin e një ndër aktiviteteve kryesore në vend. Shoqata Shqiptare e Turizmit ka kërkuar disa herë uljen e TVSH-së, që sot është 20 për qind, për shkak se nuk i bën ofertat e operatorëve vendas konkurrente në raport me vendet fqinje, si Maqedonia, Mali i Zi apo Kroacia.

Shoqata Shqiptare e Turizmit, duke marrë parasysh intensitetin e aktiviteteve turistike gjatë sezonit veror dhe duke vlerësuar jo gjithmonë produktive hapjen e debateve mbi problemet e turizmit gjatë kësaj periudhe pune, është rezervuar të adresojë direkt në publik problemet me të cilat ballafaqohet sektori privat i turizmit.

“Ndonëse fokusi i avokatësisë të sektorit të akomodimit gjatë kësaj periudhe është përqendruar në uljen e TVSH-së për bizneset e hotelerisë, tani duket se edhe taksa e fjetjes në hotel po krijon një problem më vete për këtë sektor si për sa i përket vlerës, ashtu edhe praktikës së marrëdhënieve të krijuara nga administrate publike”, u shpreh Jak Topuzi, një nga drejtuesit e shoqatës.

Taksa e fjetjes në hotel, në mjaft vende i vendoset klientëve që qëndrojnë në hotel me qëllimin për të krijuar një fond për promovimin e turizmit. Aktualisht, në Shqipëri ajo është një taksë lokale në nivelin 1-5% të çmimit të fjetjes.

Ndërkaq, shoqata është duke diskutuar me Ministrinë e Turizmit dhe Kulturës ligjin e ri për turizmin, që parashikon ndryshime të mëdha. Bizneset e sektorit ankohen se ligji duhet ndryshuar me patjetër se nuk i përshtatet zhvillimit të kohës.

Kalendari

Ngjarjet e datës 31 mars 2023 - Me rastin e shënimit të 24 vjetorit të masakrës së Burimit, Komuna e Malishevës organizon akademi përkujtimore. (Salla e Kuvendit të Komunës së Malishevës, ora 11:00)

- Lëvizja FOL organizon konferencë me ç’rast do të prezantohen gjetjet nga monitorimi i publikimit të vendimeve nga gjykatat e Kosovës për vitin 2022, si dhe në bazë të këtyre gjetjeve do të ndahet “Çmimi për Gjykatën më Transparente” - për dedikim të vazhdueshëm në ngritjen e transparencës përmes publikimit të vendimeve gjyqësore. (Swiss Diamond Hotel, ora 11:00)

- Kryetari I Federatës Sindikale te Sektorit Privat të Kosovës, Jusuf Azemi do të mbaj konferencë për shtyp lidhur me protestën dhe grevën e punëtorëve teknik të këtij spitali që veq ka filluar para dy ditësh. (Spitali Isa Grezda në Gjakovë, ora 11:00)

- Komisioni për Punë të Jashtme dhe Diasporë diskuton lidhur me kërkesën për zhvillim të diplomacisë parlamentare nga Qendra për Studime Politike dhe Diplomatike. (Ndërtesa e Kuvendit, salla N303, ora 11:00)

- Mbahet manifestimi përkujtimor me rastin e 24-vjetorit të vrasjes dhe masakrimit të 106 civilëve në fshatin Pastasel të komunës së Rahovecit. (Kompleksi i Martirëve, Pastasel, ora 11:00)

- Kryetari i Komunës së Malishevës Ekrem Kastrati bën homazhe në varrezat e martirëve në fshatin Dragobil dhe të Kompleksi në vendin e ngjarjes Vrella e Mëhillit. (Fshati Burim, ora 12:00)

- Komuna e Prishtinës përuron hapësirën e dedikuar për sigurinë e nxënësve dhe komunitetin në hapësirat përreth Shkollës Fillore “Elena Gjika”. (Afër shkollës, ora 13:00)

- Komiteti Olimpik i Kosovës organizon Asamblenë e Punës për vitin 2022. (Hotel Emerald, ora 17:00)