31 Mars 2023

Shqipëria kishte 4.1 milionë turistë në 2011-n

Tiranë, 24 janar - Numri i turistëve në Shqipëri po vjen gjithnjë e në rritje, ku pavarësisht krizës, tendenca e të huajve për të parë Shqipërinë nuk tkurret.

Sipas ministrit të Turizmit, Aldo Bumçi, gjatë vitit 2011 kanë hyrë gjithsej 4.1 milionë vizitorë të ndarë në Shqipëri, ku 2 milionë e 734 mijë vizitorë ishin të huaj dhe 1 milion e 267 mijë vizitorë ishin shqiptarë që jetojnë jashtë.

Të dhënat e publikuara në gazetën “Shqip” tregojnë se, numri i vizitorëve me nënshtetësi të huaj është rritur 18.7 për qind në krahasim me një vit më parë ose kanë hyrë më shumë se 430 751 vizitorë.

Nuk janë vetëm plazhet që tërheqin vizitorët e huaj, por edhe historia e vendit, pasi të dhënat tregojnë se parqet arkeologjike janë vizituar nga 373 mijë turistë.

Pavarësisht numrit me rritje, operatorët turistikë shprehen të pakënaqur me të ardhurat e krijuara. Vitin 2011 e konsiderojnë periudhën më të vështirë, me kapacitete të vogla shfrytëzimi dhe situata tejet anormale ekonomike.

Sipas tyre, turistët që vizitojnë vendin tonë nuk paraqesin cilësinë e duhur, për shkak se shpenzimet i kanë të vogla në raport me vendet e tjera. 

Kalendari

Ngjarjet e datës 31 mars 2023 - Me rastin e shënimit të 24 vjetorit të masakrës së Burimit, Komuna e Malishevës organizon akademi përkujtimore. (Salla e Kuvendit të Komunës së Malishevës, ora 11:00)

- Lëvizja FOL organizon konferencë me ç’rast do të prezantohen gjetjet nga monitorimi i publikimit të vendimeve nga gjykatat e Kosovës për vitin 2022, si dhe në bazë të këtyre gjetjeve do të ndahet “Çmimi për Gjykatën më Transparente” - për dedikim të vazhdueshëm në ngritjen e transparencës përmes publikimit të vendimeve gjyqësore. (Swiss Diamond Hotel, ora 11:00)

- Kryetari I Federatës Sindikale te Sektorit Privat të Kosovës, Jusuf Azemi do të mbaj konferencë për shtyp lidhur me protestën dhe grevën e punëtorëve teknik të këtij spitali që veq ka filluar para dy ditësh. (Spitali Isa Grezda në Gjakovë, ora 11:00)

- Komisioni për Punë të Jashtme dhe Diasporë diskuton lidhur me kërkesën për zhvillim të diplomacisë parlamentare nga Qendra për Studime Politike dhe Diplomatike. (Ndërtesa e Kuvendit, salla N303, ora 11:00)

- Mbahet manifestimi përkujtimor me rastin e 24-vjetorit të vrasjes dhe masakrimit të 106 civilëve në fshatin Pastasel të komunës së Rahovecit. (Kompleksi i Martirëve, Pastasel, ora 11:00)

- Kryetari i Komunës së Malishevës Ekrem Kastrati bën homazhe në varrezat e martirëve në fshatin Dragobil dhe të Kompleksi në vendin e ngjarjes Vrella e Mëhillit. (Fshati Burim, ora 12:00)

- Komuna e Prishtinës përuron hapësirën e dedikuar për sigurinë e nxënësve dhe komunitetin në hapësirat përreth Shkollës Fillore “Elena Gjika”. (Afër shkollës, ora 13:00)

- Komiteti Olimpik i Kosovës organizon Asamblenë e Punës për vitin 2022. (Hotel Emerald, ora 17:00)