Deçan, 20 korrik - Kryetari i Deçanit, Rasim Selmanaj dhe kryemurgu, Ati Sava Janjic nënshkruan një marrëveshje për rehabilitimin e rrugës turistike që shpie te Manastiri; punët do të kryhen në zonën e veçantë të mbrojtur në mes të varrezave ortodokse dhe urës në oborrin e brendshëm.

Marrëveshja, e mbështetur në mënyrë të fuqishme nga Komandanti i KFOR-it, gjeneralmajor Francesco Paolo Figliuolo, konfrimon shpritin e bashkëpunimit në mes të komunës së Deçanit dhe manastirit dhe vullnetin e tyre për të punuar për zhvillimin e kësaj zone dhe për ta lehtësuar jetën e komunitetit.

Kjo marrëveshje vjen pas asaj të nënshkruar para dy muajsh për ndërtimin e urës mbi lumin Bistrica, që ishte inauguruar javën e kaluar.