27 Mars 2023

Studimi, 95 % e qytatarëve të pakënaqur me menagjimin e Ndërmarrjet Publike

Prishtinë, 20 prill - Në forumin për privatizimin, të organizuar nga Oda Ekonomike Amerikane (OEAK) është prezntuar një studim rreth privatizimit, ku janë anketuar 28 ndërmarrje nga sektorë të ndryshëm.

 

Sipas këtij studimi, mbi 95 për qind e të anketuarve janë shprehur të pakënaqur me mënyrën se si drejtohen ndërmarrjet publike, rreth gjysma e tyre janë shprehur se përfshirja e pronësisë private në ndërmarrjet publike do të rriste efikasitetin e tyre, dhe po aq kanë thënë se privatizimi do të ndikonte në uljen e nivelit të korrupsionit.

Nderkaq përfaqësues e komunitetit të biznesit kanë përkrahur privatizimin sa me të shpejtë të ndërmarrjeve publike në Kosovë. Sipas tyre, vetëm në këtë mënyrë mund të rritet efikasiteti i tyre, të zvogëlohet niveli i korrupsionit dhe ato të ndikojnë në rritjen ekonomike.

Drejtori i Odës Ekonomike Amerikane në Kosovë, Lekë Musa, tha se deri tani është debatuar kryesisht për përfitimet financiare që rrjedhin nga privatizimi, por, fare pak për efektet e këtij procesi në rrjedhat ekonomike.

“Procesi i privatizimit, efektin më të rëndësishëm do ta ketë se, bën transformimin aseteve publike në duar të sektorit privat dhe me këtë, efekti më i rëndësishëm është se rritet efikasiteti, resurset ekonomike barten në ato drejtime ekonomike ku shfrytëzohen më me efikasitet, pastaj, hapësira për korrupsion zvogëlohet dukshëm, për arsye se kemi një involvim më të ultë të sektorit publik”, shprehet Musa.

Daglas Tod (Douglas Todd), këshilltar ekonomik i USAID-it, tha se Kosova aktualisht përballet me shkallë të ultë të rritjes ekonomike dhe papunësi të lartë. Ai e përkrahu në tërësi privatizimin e ndërmarrjeve publike, veçmas të Postë Telekomunikacionit dhe Energjetikës:

“Ju duhet të privatizoni të gjitha ato shërbime publike, t’i vëni në sektorin privat, në mënyrë që të përmirësoni efikasitetin dhe produktivitetin. Pra, ka dy arsye. Numër një; të bëni politika fiskale sa më fleksibile dhe, numër dy; të përdorni çdo instrument që do të mundeni për të mbyllur këto boshllëqe të zhvillimit. Prandaj, privatizimi është kaq i rëndësishëm për Kosovën”, thotë Tod.
Sekretari i OEK-ut, Berat Rukiqi, tha se është shqetësues fakti që gjatë vitit të kaluar rritja ekonomike ka qenë rezultat i investimeve në sektorin publik dhe nuk ka qenë rritje e qëndrueshme. Ai theksoi se OEK-u përkrah procesin e privatizimit, si të ndërmarrjeve shoqërore që është në përfundim e sipër, po ashtu edhe atë të ndërmarrjeve publike.

“Agumenti kryesor pro privatizimit është zhvillimi, zhvillimi i qëndrueshëm, gjenerimi i vendeve të punës, elementi fiskal dhe gjitha argumentet e tjera”, thotë Rukiqi.


Kalendari

Ngjarjet e datës 27 mars 2023

- Udhëheqës të Komunës së Suharekës bejnë homazhe pranë lapidarit të "Betejës së Semetishtit". (Semetisht, ora 10:00)

 - Udhëheqës të Komunës së Suharekës bejnë homazhe pranë pllakës Përkujtimore në Peqan. (Peqan, ora 10:30)

- Komisioni për Punë të Jashtme dhe Diasporë takohet me Ambasadorin e Suedisë në Kosovë, Jonas Westerlund. (Kuvendi i Kosovës, salla N506, ora 11:00)  

- Në kuadër të edicionit të 13-të, Java e Frankofonisë përurohet hapësira Franceze 'Metro Station Quatre - Septempre'. (Universiteti Ukshin Hoti në Prizren, ora 11:00)

- Udhëheqës të Komunës së Suharekës bejnë homazhe pranë Kompleksin Memorial të Dëshmorëve në Suharekë. (Suharekë, ora 11:00)

- Nën patronatin e kryetarit të Komunës së Suharekës, Bali Muharremaj promovohet libri me titull "Simbol Çlirimtari" kushtuar Heroit të Kombit Milazim Kiqina. (Shtëpia e Fellbahut në Suharekë, ora 12:00)

- Guvernatori i Bankës Qendrore të Kosovës, Fehmi Mehmeti mban konferencë për media. (Ndërtesa e BQK-së, ora 15:00)