22 Mars 2023

Skandali në Wall Street, filma erotikë në kohë krize

New York, 26 prill - Në një kohë që Shtetet e Bashkuara fundoseshin në krizën më të madhe financiare në 70 vite, punonjësit në Wall Street e kalonin orarin zyrtar të punës duke shkarkuar filma erotikë nga interneti.

Me siguri që askush se kishte mendjen të kuptonte dhe monitoronte mashtrimet e kolosëve të financave, siç ishte Berni Madof.

Skandali është zbuluar nga një komision hetimor, që ka bërë publikë 33 raste, në të cilat punonjësit e komisionit që merrej me monitorimin e bursave, për më shumë se 2 vite e gjysëm në orar të punës ishin marrë me gjithçka, përveçse të monitorinin atë që ndodhte me vlerën e aksioneve.

Mes tyre janë edhe 17 funksionare të lartë. Raporti citon raste specifike. Një punonjës ishte munduar të hynte në faqe erotike më tepër se 1800 herë në ditë, e kishte marrë rreth 600 imazhe, me të cilat kalonte orët e lodhshme të punës.

Një tjetër kishte kaluar më rreth 8 orë në ditë duke shkarkuar filma erotikë. “Është e qartë që këta punonjës nuk e kanë pasur mendjen tek kolapsi i ekonomisë amerikane”-thanë zyrtarët që u morën me hetimin e çështjes.

Skandali u zbardh vetëm një ditë pasi Presidenti amerikan Barak Obama mbajti fjalim në Uall Street duke kërkuar reformimin e sistemit financiar, një fjalim që ndoshta, jo të gjithë e dëgjuan. 

Kalendari

Ngjarjet e datës 22 mars 2023

- Asociacioni i Qendrave për Punë Sociale dhe Departamenti Punë Sociale, Universiteti i Prishtinës “Hasan Prishtina” organizon ditën e dytë të konferencës se dytë Nacionale për shënimin e Ditës Botërore të Punës Sociale. (Fakulteti Filozofik i Universitetit të Prishtinës, ora 9:30)

- Administrata Tatimore e Kosovës në bashkëpunim me Iniciativën Kosovare për Stabilitet organizojnë panel diskutimi me temë “Formalizimi i punësimit”. (Biblioteka Kombëtare, ora 10:00)

- Ministria e Mjedisit, Planifikimit Hapësinor dhe Infrastrukturës organizon takim publik për hartimin e Koncept Dokumentit të Fushës së Ujërave. (Hotel Garden, ora 10:00)

- Ideatorët e platformës "Liria ka emër", Eliza Hoxha dhe Ismail Tasholli, do të vizitojnë Organizatat e dala nga lufta të UÇK-së. (Zyrat e Organizatave të dala nga lufta të UÇK-së, ora 11:00)

- Presidentja e Kosovës, Vjosa Osmani, dhe ministri i Shëndetësisë, Arben Vitia, vizitojnë Klinikën e Gjinekologjisë në QKUK, ku planifikohet të fillojnë shërbimet për Fertilizim të Asistuar Mjekësor (FAM) në shërbimin publik. (Klinika Gjinekologjike në QKUK, ora 11:00)

- Myftiu i Kosovës, Naim Tërnava, jep mesazhin me rastin e fillimit të muajit të Ramazanit. (Selia e BIK-ut, ora 11:00)

 - Kuvendi i Republikës së Kosovës vazhdon seancën plenare. (Kuvendi i Kosovës, ora 12:00)

- Në shënimin e Javës Ndërkombëtare e Parasë, Shoqata e Bankave të Kosovës zhvillon një vizitë në shkollën "Thimi Mitko" në Gjilan. (Gjilan, ora 13:30)

- Instituti Demokratik i Kosovës në bashkëpunim me Transparency International organizon tryezën e diskutimit “Buxhetimi gjinor në kuadër të partive politike në Kosovë”, një diskutim i përbashkët mes kryetareve të forumeve të grave të partive kryesore në vend, trupave menaxhuese zgjedhore, shoqërisë civile dhe korit diplomatik në vend. (Hotel Sirius, ora 14:00)