24 Mars 2023

SHBA do të vendos në përdorim 15 milionë fuçi nafte nga rezervat

Washington, 19 tetor - Administrata e presidentit të SHBA-së, Joe Biden ka planifikuar të vendos në përdorim 15 milionë fuçi nafte nga rezervat strategjike të naftës.

Në një deklaratë nga Shtëpia e Bardhë thuhet se Biden sot do të njoftojë veprimet e reja për forcimin e sigurisë, inkurajimin e prodhimit dhe për të ulur koston e energjisë së SHBA-së.

Departamenti i Energjisë do të publikojë njoftimin për shitjen e 15 milionë fuçive nga rezerva strategjike e naftës që të dorëzohet në muajin dhjetor.

Shitja në fjalë do të plotësojë vendimin e njoftuar në mars për të hedhur në treg më shumë se 180 milionë fuçi naftë. Biden do t'i bëjë thirrje Departamentit të Energjisë që të jetë i gatshëm për shitje shtesë nga rezerva strategjike e naftës nëse do jetë e nevojshme.

Më tej thuhet se Biden do të njoftojë se ka planifikuar që riblerjet e naftës për rezervën strategjike të naftës të bëhen kur çmimet e naftës të bien në intervalin 67-72 dollarë për fuçi ose më poshtë.

Në deklaratën e Shtëpisë së Bardhë theksohet se Biden u ka bërë thirrje kompanive që të transferojnë kosto më të ulëta të energjisë tek konsumatorët sa më shpejt të jetë e mundur.

Ka tërhequr vëmendjen se plani i administratës së Bidenit për të shitur më shumë naftë nga rezervat strategjike, ka ardhur pas vendimit të Organizatës së Vendeve Eksportuese të Naftës (OPEC) dhe grupit OPEC+ që përbëhet nga disa vende prodhuese jashtë OPEC, për të reduktuar me 2 milionë fuçi prodhimin ditor të naftës duke filluar që nga nëntori.

Javën e kaluar Biden bëri të ditur se çmimet e benzinës në vend janë ende shumë të larta. Ai tha se për këtë çështje do të ketë njoftime të reja.

Për të ndihmuar uljen e çmimeve të benzinës në të gjithë vendin, Biden në maj lejoi që të hidhen në treg mbi 180 milionë fuçi nga rezerva strategjike e naftës.

Me shitjet në fjalë norma e karburantit bruto në rezervat strategjike të SHBA-së ra në nivelin më të ulët që nga viti 1984.

 

Kalendari

Ngjarjet e datës 24 mars 2023

- Zëvendëskryeministri Besnik Bislimi dhe ambasadorin e BE-së në Kosovë, Tomas Szunyog, nënshkruajnë marrëveshjen financiare ndërmjet Kosovës dhe Bashkimit Evropian për programin vjetor IPA 2022. (Ndërtesa e Qeverisë, ora 9:00)   

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Edukimin në Fëmijërinë e Hershme dhe Projektligjin pÑ‘r Agjencinë e Kosovës për Akreditim;  (Ndërtesa e Kuvendit, salla N303, ora 10:00)

- Në kuadër të Javës Ndërkombëtare e Parasë, Shoqata e Bankave të Kosovës viziton shkollën fillore “Naim Frashëri” në Vushtrri. (Shkolla “Naim Frashëri” në Vushtrri, ora 10:00)

- Kryetari i AAK-së, Ramush Haradinaj, bën homazhe në Kompleksin Memorial “Dëshmorët e Kombit” në Gllogjan. (Fshati Gllogjan, ora 11:00)

- Mbahet manifestimi qendror në shënim të 25-vjetorit të Epopesë së Dukagjinit dhe 24-vjetorit të ndërhyrjes së NATO-s. Merr pjesë dhe kryetari i AAK-së, Ramush Haradinaj. (Gllogjan, ora 12:00)

- Pas qëndrimit 3 ditor në protestë punëtorët teknik të 10 shkollave të komunës së Prishtinës takohe me kryetarin të Shoqatave Sindikale për veprimet e mëtutjeshme sindikale. (Selia e Federatës se Pavarur e Sektorit Privat të Kosovës, ora 12:30)

- Komisioni për Buxhet, Punë dhe Transfere diskuton rreth situatës në Trustin Pensional ku të ftuar janë guvernatori i BQK-së, Fehmi Mehmeti; Auditorja e Përgjithshme, Vlora Spanca; ministri i Financave, Hekuran Murati dhe drejtori menaxhues i Trustit, Adrian Zalli. (Kuvendi i Kosovës, C203, ora  13:30)

- PSD do të mbajë konferencë për media ku do të flas kryetari i PSD-së, Dardan Molliqaj, rreth protestës të së shtunës. (Zyrët qendrore të PSD-së, ora 15:00)

- Për nder të 24 marsit, Ditës së Bombardimeve ndaj forcave serbe, Rrjeti i OJQ-ve "AVONET" organizon "Kafen e Miqësisë dhe Falenderimeve". (Lokali “Mom Ami” në “The Village&Shopping&Fun” Ferizaj, ora 19:30)