27 Mars 2023

Miliarderi rus paguan 100 milion dollarë për një shtëpi në SHBA

Californi, 2 prill - Një miliarder rus ka paguar 100 milion dollarë për një shtëpi në Shtetet e Bashkuara, një nga më të shtrenjtat të shitura në Amerikë.

Juri Milner, sipërmarrësi 49-vjeçar që drejton Digital Sky Technologies, pagoi një shumë rekord për shtëpinë prej 720 metrash katrorë me pamje nga gjiri i San Fransiskos në Californi.

Modeli i ngjan një shtëpie franceze me pesë dhoma gjumi, nëntë banja dhe ka një obor prej katër hektarësh. Ajo ka gjithashtu një sallë vallëzimi dhe pishina brenda dhe jashtë.

Tregu amerikan i shtëpive ka qenë në rënie që nga fillimi i krizës ekonomike të vitit 2008. Miliona shtëpi janë marrë nga bankat pasi pronarët nuk arrinin të paguanin kreditë mujore.

Shitjet dhe çmimet kanë rënë dukshëm për shtëpitë që blejnë shumica e amerikanëve. Megjithatë, ekspertët e industrisë imobiliare thonë se tregu i shtëpive të shtrenjta nuk është ndikuar shumë.

Milner ka investuar shumë në disa kompani amerikane, duke përfshirë rrjetin e biznesit në faqen sociale Facebook, kompaninë e çmimeve të ulëta Groupon dhe prodhuesin e lojërave elektronike Zinga.

Ai jeton në Moskë me gruan e tij dhe dy fëmijë dhe nuk duket se ka në plan të transferohet së shpejti në Shtetet e Bashkuara.

Shtëpia u shit nga Fred Çan, themelues i ESS Technology dhe gruaja e tij Eni.

Kalendari

Ngjarjet e datës 27 mars 2023

- Udhëheqës të Komunës së Suharekës bejnë homazhe pranë lapidarit të "Betejës së Semetishtit". (Semetisht, ora 10:00)

 - Udhëheqës të Komunës së Suharekës bejnë homazhe pranë pllakës Përkujtimore në Peqan. (Peqan, ora 10:30)

- Komisioni për Punë të Jashtme dhe Diasporë takohet me Ambasadorin e Suedisë në Kosovë, Jonas Westerlund. (Kuvendi i Kosovës, salla N506, ora 11:00)  

- Në kuadër të edicionit të 13-të, Java e Frankofonisë përurohet hapësira Franceze 'Metro Station Quatre - Septempre'. (Universiteti Ukshin Hoti në Prizren, ora 11:00)

- Udhëheqës të Komunës së Suharekës bejnë homazhe pranë Kompleksin Memorial të Dëshmorëve në Suharekë. (Suharekë, ora 11:00)

- Nën patronatin e kryetarit të Komunës së Suharekës, Bali Muharremaj promovohet libri me titull "Simbol Çlirimtari" kushtuar Heroit të Kombit Milazim Kiqina. (Shtëpia e Fellbahut në Suharekë, ora 12:00)

- Guvernatori i Bankës Qendrore të Kosovës, Fehmi Mehmeti mban konferencë për media. (Ndërtesa e BQK-së, ora 15:00)