30 Shtator 2023

Importet e naftës së BE-së nga Rusia shënuan 90 për qind rënie

Bruksel, 21 qershor - Agjencia Evropiane e Statistikave (Eurostat) ka njoftuar se importet e naftës së Bashkimit Evropian (BE) nga Rusia shënuan 90 për qind rënie në mars krahasuar me shifrën mesatare mujore të viteve 2019-2022 për shkak të sanksioneve nga lufta e Moskës në Ukrainë.

Sipas të dhënave të Eurostat, importet totale të naftës së papërpunuar dhe produkteve të naftës nga Rusia në vendet anëtare të BE-së ranë në 1.4 milionë tonë në mars krahasuar me 15.2 milionë tonë mesatarisht në 3 vitet e mëparshme.

Ndalimi i importeve të naftës së papërpunuar nga rrugët detare ka hyrë në fuqi më 5 dhjetor të vitit 2022 ndërsa ndalimi i produkteve të naftës ka hyrë në fuqi më 5 shkurt të vitit 2023.

Dërgesat e naftës së papërpunuar të Rusisë në BE ranë nga 12.4 milionë tonë në janar të vitit 2022, para fillimit të luftës Rusi-Ukrainë, në 3.7 milionë tonë në dhjetor të vitit 2022.

Importet e naftës bruto të BE-së ranë në 1.17 milionë tonë në mars.

Ndërkohë, importet e derivateve të naftës ranë nga 3.3 milionë tonë në janar të vitit 2022 në 700 mijë tonë në shkurt të këtij viti dhe në 300 mijë tonë në mars.

 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)