02 Prill 2023

FMN: Juani kinez, nën vlerën reale në treg

Pekin, 29 korrik - Eksperti më i lartë i Fondit Monetar Ndërkombëtar thotë se monedha kineze është me vlerë më të ulët në shkëmbimet valutore, duke ngritur kështu një pyetje delikate që ka ndarë mendimet e drejtuesve të institucionit me bazë në Uashington.

Nigel Chalk, shefi i misionit kinez në FMN tha sot se monedha kineze “mbetet nën nivelin e tregut të shkëmbimit të monedhave”.

Në vlerësimin e parë në publik të ekonomisë kineze në tre vite, 24 pjestarët e bordit të FMN bënë thirrje ditën e martë për më shumë fleksibilitet për monedhën kineze. Por ndërsa disa drejtues ranë dakort me ekipin e FMN-së që vlera e juanit është shumë e ulët, të tjerët mendonin se nuk ka prova të mjaftueshme për t’u thënë kjo.

Vlera e juanit është kthyer në një burim përçarjeje mes Kinës dhe një pjese të partnerëve të saj tregtarë. SHBA dhe vendet e tjera mendojnë se një vlerë më e lartë e juanit mund të korrigjojë një mungesë të madhe ekuilibri në tregti, që shkaktohet në favor të Kinës.

Kalendari

Ngjarjet e datës 2 prill 2023

- Partia Demokratike e Kosovës organzon  "Marshin për Drejtësi". (Sheshi “Zahir Pajaziti” në Prishtinë, ora 14:00)

- Shënohet 33 vjetori i degës së Lidhjes Demokratike të Kosovës në Prizren. (Restaurant "Oferta", ora 15:00)