26 Mars 2023

Eliminimi i tatimeve të dyfishta mes Kosovës e Maqedonisë

Prishtinë, 23 shkurt - Ekipet e ekspertëve të Republikës së Kosovës dhe ata të Republikës së Maqedonisë, gjatë një takimi që kanë pasur të mërkurën kanë harmonizuar të gjitha detajet e marrëveshjes për eliminimin e tatimeve të dyfishta ndërmjet dy vendeve.

Nënshkrimi që ekspertët kanë vënë në këtë dokument hap rrugën e nënshkrimit formal të marrëveshjes edhe nga përfaqësuesit politik, përkatësisht ministritë përkatëse nga të dyja vendet.

Marrëveshja ka një rëndësi të veçantë për sektorin e biznesit pasi që paraqet një standard të vetëm ligjor që mund të përdoret nga investuesit e të dyja vendeve. Heqja e këtyre tatimeve pritet të rezultojë në rritjen e investimeve të investitorëve kosovarë në Maqedoni, si dhe anasjelltas.

Më herët në nivel të ekspertëve është harmonizuar edhe Marrëveshje për eliminimin e tatimeve të dyfishta ndërmjet Republikës së Kosovës dhe Republikës së Turqisë.  

Kalendari

Ngjarjet e datës 26 mars 2023

- Kryeministri i Kosovës, Albin Kurti, bën homazhe në Krushë të Madhe dhe në Krushë të Vogël. (Krushë e Madhe, ora 8:00)

- Presidentja e Republikës së Kosovës, Vjosa Osmani bën homazhe në Kompleksin Memorial të dëshmorëve dhe të martirëve në fshatin Krushë e Madhe. (Krushë e Madhe, ora 11:00)

- Aleanca për Ardhmërinë e Kosovës mban konferencë për media. (Holli i Kuvendit të Republikës së Kosovës, ora 12:00)