24 Mars 2023

Çmimet e konsumit pesuan një ngritje prej 3 për qind

Prishtinë, 16 shtator - Enti i Statistikave të Kosovës tregon për një ngritje  të indeksit të çmimeve të përgjithshme të konsumit prej 3 për qind në muajin gushtë të vitit 2010, krahasuar me muajin korrik të vitit 2010. Shkas për këtë ngritje të përgjithshme, është rritja e çmimit të bukës dhe miellit që ka shënuar një rritje prej 22.5 për qind.

Ibish Asllani shef i divizionit të statistikave të çmimeve në ESK, tha se këto të dhëna bazohen në mbledhjen e më shumë se 370 artikujve në të gjithë Kosovën. 


“Në kohën kur  i kemi marrë të dhënat, buka është shtrenjtuar nga 27 cent në 36 cent. Po flas në kohën kur ne i kemi marrë të dhënat”, tha ai.

Ndërsa Drejtori i statistikave ekonomike dhe llogarive kombëtare në ESK, Ilir T. Berisha tha se shtrenjtimi i produkteve ka ndikuar në ngritjen e çmimeve te artikujt e përgjithshëm, sidomos ata ushqimor. “Buka është produkti kryesor dhe si të shtrenjtohet buka, ndikon edhe tek artikujt tjerë”, tha ai.

Ndërsa ngritjen dhe rënien e çmimeve dhe ndikimit të tyre në indeksin e tërësishëm të çmimeve të konsumit në Kosovë për muajin gusht ka pasur disa lëvizje sipas statistikave të ESK-së. Buka dhe drithërat kanë shënuar ngritje prej 22,5 për qind me një ndikim prej 2.3 për qind. Vajrat dhe yndyrat 12.1 për qind me një ndikim prej 0.3 për qind.

Qumështi, djathi dhe vezët kanë shënuar ngritje prej 1.9 për qind, me një ndikim prej 0.1 për qind. Sheqeri, reçeli, mjalta, çokolata dhe ëmbëlsirat kanë shënuar ngritje prej 2.6 për qind me një ndikim prej 0.1 për qind. Edhe duhani ka shënuar ngritje të çmimit prej 1.8 për qind, drutë e zjarrit 4.0 për qind dhe disa grupe produktesh tjera kanë shënuar një rritje të përgjithshme prej 0.2 për qind.

Rënie të çmimeve pati te perimet me – 0.3 për qind dhe te veshmbathjet kishte një rënie prej 0.2 për qind.

Shkalla e inflacionit e matur në  muajin gusht 2010 me muajin gusht 2009 ishte 5.9 për qind.  Dhe krahasuar me vitin 2009 dhe me muajin korrik të 2009 kishte një rënie prej 0.2 për qind.
ESK-ja që nga viti 2009 është integruar në programin e Bashkimit Evropian të krahasueshmërisë së çmimeve në projektin e paritetit të fuqisë blerëse.

Sipas të dhënave të ESK-së Kosova llogaritet se ka produktet më të lira ndër 27 vendet e rajonit. 

Elhami Ismajli 

Kalendari

Ngjarjet e datës 24 mars 2023

- Zëvendëskryeministri Besnik Bislimi dhe ambasadorin e BE-së në Kosovë, Tomas Szunyog, nënshkruajnë marrëveshjen financiare ndërmjet Kosovës dhe Bashkimit Evropian për programin vjetor IPA 2022. (Ndërtesa e Qeverisë, ora 9:00)   

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Edukimin në Fëmijërinë e Hershme dhe Projektligjin pÑ‘r Agjencinë e Kosovës për Akreditim;  (Ndërtesa e Kuvendit, salla N303, ora 10:00)

- Në kuadër të Javës Ndërkombëtare e Parasë, Shoqata e Bankave të Kosovës viziton shkollën fillore “Naim Frashëri” në Vushtrri. (Shkolla “Naim Frashëri” në Vushtrri, ora 10:00)

- Kryetari i AAK-së, Ramush Haradinaj, bën homazhe në Kompleksin Memorial “Dëshmorët e Kombit” në Gllogjan. (Fshati Gllogjan, ora 11:00)

- Mbahet manifestimi qendror në shënim të 25-vjetorit të Epopesë së Dukagjinit dhe 24-vjetorit të ndërhyrjes së NATO-s. Merr pjesë dhe kryetari i AAK-së, Ramush Haradinaj. (Gllogjan, ora 12:00)

- Pas qëndrimit 3 ditor në protestë punëtorët teknik të 10 shkollave të komunës së Prishtinës takohe me kryetarin të Shoqatave Sindikale për veprimet e mëtutjeshme sindikale. (Selia e Federatës se Pavarur e Sektorit Privat të Kosovës, ora 12:30)

- Komisioni për Buxhet, Punë dhe Transfere diskuton rreth situatës në Trustin Pensional ku të ftuar janë guvernatori i BQK-së, Fehmi Mehmeti; Auditorja e Përgjithshme, Vlora Spanca; ministri i Financave, Hekuran Murati dhe drejtori menaxhues i Trustit, Adrian Zalli. (Kuvendi i Kosovës, C203, ora  13:30)

- PSD do të mbajë konferencë për media ku do të flas kryetari i PSD-së, Dardan Molliqaj, rreth protestës të së shtunës. (Zyrët qendrore të PSD-së, ora 15:00)

- Për nder të 24 marsit, Ditës së Bombardimeve ndaj forcave serbe, Rrjeti i OJQ-ve "AVONET" organizon "Kafen e Miqësisë dhe Falenderimeve". (Lokali “Mom Ami” në “The Village&Shopping&Fun” Ferizaj, ora 19:30)