Prishtinë, 25 gusht - Policia e Republikës së Kosovës ka bërë të ditur se në bazë të informacioneve të pranuara sot nga dy pikë-kalimet kufitare Merdare dhe Dheu i bardhë  vazhdojnë pritjet e gjata dhe kolonat në dalje nga Republika e Kosovës për në Serbi.

Në Merdare kolona është e gjatë diku rreth (1) kilometër dhe pritjet për ne dalje zgjasin diku nga 2-3 orë, po ashtu edhe tek pikë-kalimi kufitar Dheu i bardhë pritjet  zgjasin me nga 2- 4 orë.

Situata në dy pikë-kalimet kufitare kohë pas kohe po ndryshon varësisht prej frekuentimit të automjeteve dhe punës së autoriteteve policore serbe.         

Në pikë-kalimet tjera kufitare qarkullimi është duke u zhvilluar normalisht pa pritje të gjata.