27 Mars 2023

Punëtorët, protestë kunër privatizimit të PTK-së

Prishtinë, 26 korrik - Qindra punëtorë nga Posta dhe Telekomi i Kosovës të organizuar nga sindikata e kësaj ndërmarrje, kanë protestuar para Kuvendit të Kosovës, duke kërkuar nga deputetët që edhe ata të kundërshtojnë vendimin e Qeverisë për privatizimin e PTK-së.

Punonjësit e PTK-së janë mbledhur para ndërtesës kryesore të Postës dhe mandej kanë filluar marshin e tyre protestues qendrës së Prishtinës, për të vazhduar deri tek Kuvendi i Kosovës.

Kryetari i Sindikatës së PTK-së, Milazim Alishiqi ka deklaruar se qëllimi i saj është bartja e mesazhit tek ligjvënësit kosovarë që të mos e miratojnë Strategjinë për Privatizim të PTK-së.

Sindikalistët u kanë bërë thirrje deputetëve të mos e votojnë këtë strategji, për shkak se Kosova do të humbet një nga burimet më të rëndësishme të të ardhurave për buxhetin e vendit.

Gjatë marshit protestuesit mbanin në duar pankarta, ku kundërshtohej privatizimi i PTK-së dhe u bëhej thirrje edhe ligjvënësve që të kundërshtojnë këtë privatizim; "Deputet të Republikës së Kosovës thuani jo aprovimit për privatizimin e PTK-së", "Duam referendum, duam ligj të veçantë për PTK", "Si do të arsyetohemi para gjeneratave të reja, çka mbeti pa u shitur?", "Kuvend ndal privatizimin", e të tjera.

Alishiqi ka thënë se privatizimi i kësaj ndërmarrje do të sjellë vetëm humbje për buxhetin e Kosovës dhe varfëri në vend.

Ai ka thënë se privatizimi i kësaj ndërmarrjeje do t’i shkaktojë dëme të mëdha Kosovës, sidomos me këtë zhvillim ekonomik që është tani.


Kalendari

Ngjarjet e datës 27 mars 2023

- Udhëheqës të Komunës së Suharekës bejnë homazhe pranë lapidarit të "Betejës së Semetishtit". (Semetisht, ora 10:00)

 - Udhëheqës të Komunës së Suharekës bejnë homazhe pranë pllakës Përkujtimore në Peqan. (Peqan, ora 10:30)

- Komisioni për Punë të Jashtme dhe Diasporë takohet me Ambasadorin e Suedisë në Kosovë, Jonas Westerlund. (Kuvendi i Kosovës, salla N506, ora 11:00)  

- Në kuadër të edicionit të 13-të, Java e Frankofonisë përurohet hapësira Franceze 'Metro Station Quatre - Septempre'. (Universiteti Ukshin Hoti në Prizren, ora 11:00)

- Udhëheqës të Komunës së Suharekës bejnë homazhe pranë Kompleksin Memorial të Dëshmorëve në Suharekë. (Suharekë, ora 11:00)

- Nën patronatin e kryetarit të Komunës së Suharekës, Bali Muharremaj promovohet libri me titull "Simbol Çlirimtari" kushtuar Heroit të Kombit Milazim Kiqina. (Shtëpia e Fellbahut në Suharekë, ora 12:00)

- Guvernatori i Bankës Qendrore të Kosovës, Fehmi Mehmeti mban konferencë për media. (Ndërtesa e BQK-së, ora 15:00)