28 Mars 2023

Punëtorët e PTK-së sërish në protestë

Prishtinë, 30 mars - Punëtorët e Postë-Telekomit të Kosovës do të protestojnë edhe nesër kundër privatizimit të kësaj ndërmarrjeje përmes projektbuxhetit të vitit 2011.
 
Protesta organizohet gjatë kohës sa mbahet edhe seanca e Kuvendit të Kosovës rreth projektbuxhetit.

Kryetari i sindikatës së PTK-së, Milazim Alshiqi, tha se nuk janë kundër miratimit të buxhetit, por kërkoi nga deputetët që të mos e votojnë shitjen e PTK-së. Nëse ndodh kjo, atëherë ai paralajmëroi edhe masa tjera më radikale.

Sindikata e pavarur e PTK-së edhe njëherë kundërshton tendencën e privatizimit të PTK-së përmes buxhetit të Kosovës.

Kryetari i kësaj sindikate, Milazim Alshiqi, tha se nëpërmjet përfshirjes së PTK-së në projektbuxhet, tentohet të bëhet presion në deputetët që pas votimit të buxhetit, përkundër bindjeve të tyre lidhur me shitjen e kësaj ndërmarrjeve, të votojnë për shitjen e saj.

“Meqenëse neni 4 nuk është larguar nga Projektligji i Buxhetit të Kosovës ne kemi vendosur të dalim prapë në protestë më 31 03 2011 në ora 10:30 minuta nga ndërtesa kryesore e PTK-së për të kërkuar nga deputetët të mos e votojnë buxhetin e Kosovës pa e larguar nenin 4 nga ky buxhet”.

Alshiqi ftoi punëtorët e PTK-së që të protestojnë kundër kësaj mënyre të privatizimit, duke kërkuar që çështja e kësaj ndërmarrjeje të diskutohet në ndonjë seancë tjetër. Por ai nuk saktësoi se çfarë hapash do të ndërmarrin në rast se votohet edhe neni katër.

“Qëllimi i protestave tona ka qenë që të dialogohet para se të vijë te një veprim më radikal, të cilin nuk e dëshirojmë, por për këtë do të vendosë kuvendi i sindikatave dhe do të dalim me qëndrime që do të jenë më radikale se këto”.

Ndryshe, sindikata e PTK-së ka protestuar edhe javën e kaluar, kur kuvendi miratoi në parim projektbuxhetin, duke kundërshtuar shitjen e kësaj ndërmarrjeje

Kalendari

Ngjarjet e datës 29 mars 2023

- Komisioni për Ekonomi, Industri, Ndërmarrësi dhe Tregti shqyrton ndryshimin dhe plotësimin e Ligjit për mbrojtjen e konsumatorit. (Kuvendi i Kosovës, salla N506, ora 10:00)

- Komisioni për Mbikëqyrjen e Agjencisë së Kosovës për Inteligjencë diskuton rreth çështjeve vijuese nga fushëveprimi i Komisionit. (Kuvendi, salla N302, ora 10:00)

- Qendra e Kosovës për Eksport organizon ngjarjen “Rritja e eksportit përmes platformës KoEx”. (Hotel Sirius, ora  10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive Ekzekutive. (Kuvendi, salla N10, ora 11:00)

- Komisioni për të Drejtat dhe Interesat e Komuniteteve dhe Kthim shqyrton Projektligjin për Prokurorin e Shtetit si dhe ndryshimin dhe plotësimin e Ligjit për trajtimin e ndërtimeve pa leje. (Kuvendi, salla N303, ora 11:00)

- Promovohet romani “Duke ndjekur fluturat” i autores Hana Hoxha, i cili ka si fabulë edukimin e nxënësve/fëmijëve për rolin e policisë në sigurinë e tyre. (Biblioteka Kombëtare, ora 12:00)

- Bëhet inaugurimi i punëtorisë së Floktarisë në Qendrën e Kompetencës “Shtjefën Gjeçovi”, e cila do të shërbejë për zbatimin e mësimit dual ku merr pjesë edhe ministrja e Arsimit, Arbërie Nagavci. (Shtjefën Gjeçovi në Prishtinë, ora 13:00)