01 Prill 2023

Në Lipjan u bë inaugurimi i QRA-së dhe QKRC-së

Prishtinë, 21 korrik - Ministri i Punëve të Brendshme, Bajram Rexhepi, i shoqëruar nga kryetari i Lipjanit, Shukri Buja, sot kanë bërë inaugurimin e Qendrës së Regjistrimit të Automjeteve dhe Qendrës Komunale të Regjistrimit Civil në komunën e Lipjanit.

Me rastin e inaugurimit të këtyre dy qendrave, ministri Rexhepi tha se kjo do të jetë një ndihmesë e qytetarëve të Lipjanit të cilët tashmë mund të aplikojnë në qytetin e tyre për t’u pajisur me dokumente civile të Republikës së Kosovës dhe për regjistrimin e automjeteve të tyre.

“Tash janë kushte të mira për punëtorët dhe është një përparësi që qytetarët e Lipjanit tashmë nuk kanë nevojë që të shkojnë në Prishtinë për të bërë regjistrimin e automjeteve por tashmë do ta bëjnë këtu”, tha ministri Rexhepi.

Ndërkaq Buja tha se ky është një investim shumë i mirë dhe një përpjekje dyvjeçare e tij dhe stafit të tij, për të arritur regjistrimin e automjeteve në këtë komunë.

Për këtë projekt Ministria e Punëve të Brendshme ka investuar shumën prej 260 mijë eurosh.

Hapjen e dyerve për qytetarët, QKRC-ja do të bëjë të hënën, ndërkaq puna në QRA do të fillojë në fillim të muajit shtator. 

Kalendari

Ngjarjet e datës 1 prill 2023

- Federata e Pingpongut do të organizoj Kampionatin Individual të Kosovës për U19. (SHMU Tefik Çanga në Ferizaj, ora 10:00)

- Dy ideatorët e platformës “Liria ka emër”, Ismail Tasholli dhe Eliza Hoxha do të mbajnë Konferencë për Media. (Hotel Sirius, ora 13:00)

- Mbahet hapja zyrtare e ekspozites “Some Call Us Balkans” i cili mirëpret 8 artistë të rinjë bashkëkohorë veprat e të cilëve eksplorojnë Ballkanin, mitet dhe konceptet e gabuara për të, përdorimet e hapsirës përtej stereotipeve, vizionimin e ekosistemeve të reja, mënyrat e banimit dhe të të qenurit bashkë mbi një bazë të përbashkët. (Termokiss, ora 16:00)

- Gara e Kompozitorëve të Ballkanit do ta hap edicionin e 3-të me programin e koncerteve. (Atelia e Pallatit të Rinisë dhe Sportit në Prishtinë, ora 20:00)