22 Mars 2023

Rreth 99 për qind e ndërmarrjeve në Kosovë përdorin kompjuterin dhe internetin

Prishtinë, 16 nëntor - Agjencia e Statistikave të Kosovës (ASK) publikon rezultatet e Anketës “Përdorimi i Teknologjisë Informative dhe Komunikimit (TIK) në Ndërmarrje për vitin 2021.

Në vitin 2022, ASK-ja ka zhvilluar Anketën e Përdorimit të Teknologjisë Informative dhe Komunikimit (TIK) në Ndërmarrje sipas metodologjisë së Eurostatit.

Anketa është zhvilluar në territorin e Republikës së Kosovës në ndërmarrjet me 10 e më shumë të punësuar nëpërmjet metodës së intervistës së drejtpërdrejtë.

Sipas rezultateve në nivel të anketës, ndërmarrjet që kanë përdorur kompjuterin për qëllime pune gjatë vitit 2021, përfaqësojnë 98.9% të ndërmarrjeve;  dhe 98.9% e ndërmarrjeve e kanë përdorur internetin për qëllime pune gjatë vitit 2021.
 
Shpejtësia maksimale për shkarkim dokumentesh >= 30Mbit/s deri <100Mbit/s, me 31.84%, e pasuar nga shpejtësia >=10Mbit/s deri <30Mbit/s, ishte shpejtësia më e përdorur nga ana e ndërmarrjeve me 31.64%.

Nga ndërmarrjet e anketuara, 54.8% prej tyre kanë web-faqe të ndërmarrjes, ndërsa 91.2% e ndërmarrjeve i përdorin mediat sociale.

Ndërkaq, nga ndërmarrjet e anketuara, 10.4% prej tyre kanë realizuar shitje përmes web-faqes, ose ndonjë aplikacioni tjetër përmes kompjuterit.

Ndërsa, 7.6% prej tyre kanë realizuar blerje përmes web faqes ose ndonjë aplikacioni tjetër përmes kompjuterit.
 

Kalendari

Ngjarjet e datës 22 mars 2023

- Asociacioni i Qendrave për Punë Sociale dhe Departamenti Punë Sociale, Universiteti i Prishtinës “Hasan Prishtina” organizon ditën e dytë të konferencës se dytë Nacionale për shënimin e Ditës Botërore të Punës Sociale. (Fakulteti Filozofik i Universitetit të Prishtinës, ora 9:30)

- Administrata Tatimore e Kosovës në bashkëpunim me Iniciativën Kosovare për Stabilitet organizojnë panel diskutimi me temë “Formalizimi i punësimit”. (Biblioteka Kombëtare, ora 10:00)

- Ministria e Mjedisit, Planifikimit Hapësinor dhe Infrastrukturës organizon takim publik për hartimin e Koncept Dokumentit të Fushës së Ujërave. (Hotel Garden, ora 10:00)

- Ideatorët e platformës "Liria ka emër", Eliza Hoxha dhe Ismail Tasholli, do të vizitojnë Organizatat e dala nga lufta të UÇK-së. (Zyrat e Organizatave të dala nga lufta të UÇK-së, ora 11:00)

- Presidentja e Kosovës, Vjosa Osmani, dhe ministri i Shëndetësisë, Arben Vitia, vizitojnë Klinikën e Gjinekologjisë në QKUK, ku planifikohet të fillojnë shërbimet për Fertilizim të Asistuar Mjekësor (FAM) në shërbimin publik. (Klinika Gjinekologjike në QKUK, ora 11:00)

- Myftiu i Kosovës, Naim Tërnava, jep mesazhin me rastin e fillimit të muajit të Ramazanit. (Selia e BIK-ut, ora 11:00)

 - Kuvendi i Republikës së Kosovës vazhdon seancën plenare. (Kuvendi i Kosovës, ora 12:00)

- Në shënimin e Javës Ndërkombëtare e Parasë, Shoqata e Bankave të Kosovës zhvillon një vizitë në shkollën "Thimi Mitko" në Gjilan. (Gjilan, ora 13:30)

- Instituti Demokratik i Kosovës në bashkëpunim me Transparency International organizon tryezën e diskutimit “Buxhetimi gjinor në kuadër të partive politike në Kosovë”, një diskutim i përbashkët mes kryetareve të forumeve të grave të partive kryesore në vend, trupave menaxhuese zgjedhore, shoqërisë civile dhe korit diplomatik në vend. (Hotel Sirius, ora 14:00)