29 Mars 2023

Obama i jep fund programit të NASA-s për hulumtimin e Hënës

Kejp Kanaveral, 2 shkurt - Presidenti i SHBA-ve, Barak Obama i dha fund programit të NASA-s për hulumtimin e Hënës, lajmëruan mediumet botërore.

Mjetet nga ky program do të riorientohen për robotikë dhe teknologji të reja të nevojshme për hulumtimin dhe dërgimin e misionit njerëzor në Mars dhe destinime tjera, deklaruan zyrtarë të Uashingtonit.

Plani i Obamas për shkurtimin e mjeteve të këtij programi është pjesë e buxhetit të ri, i cili duhet të aprovohet nga Kongresi.

NASA nga buxheti fiton rreth 18 miliardë dollarë në vit. Në këtë moment shkencëtarët punojnë në zëvendësimin e anijeve kozmike të cilat do të tërhiqen pasi të përfundojnë ndërtimin e Stacionit internacional kozmik, projekt i cili kushton 100 miliardë dollarë dhe në të cilin marrin pjesë 16 vende. 

Kalendari

Ngjarjet e datës 29 mars 2023

- Komisioni për Ekonomi, Industri, Ndërmarrësi dhe Tregti shqyrton ndryshimin dhe plotësimin e Ligjit për mbrojtjen e konsumatorit. (Kuvendi i Kosovës, salla N506, ora 10:00)

- Komisioni për Mbikëqyrjen e Agjencisë së Kosovës për Inteligjencë diskuton rreth çështjeve vijuese nga fushëveprimi i Komisionit. (Kuvendi, salla N302, ora 10:00)

- Qendra e Kosovës për Eksport organizon ngjarjen “Rritja e eksportit përmes platformës KoEx”. (Hotel Sirius, ora  10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive Ekzekutive. (Kuvendi, salla N10, ora 11:00)

- Komisioni për të Drejtat dhe Interesat e Komuniteteve dhe Kthim shqyrton Projektligjin për Prokurorin e Shtetit si dhe ndryshimin dhe plotësimin e Ligjit për trajtimin e ndërtimeve pa leje. (Kuvendi, salla N303, ora 11:00)

- Promovohet romani “Duke ndjekur fluturat” i autores Hana Hoxha, i cili ka si fabulë edukimin e nxënësve/fëmijëve për rolin e policisë në sigurinë e tyre. (Biblioteka Kombëtare, ora 12:00)

- Bëhet inaugurimi i punëtorisë së Floktarisë në Qendrën e Kompetencës “Shtjefën Gjeçovi”, e cila do të shërbejë për zbatimin e mësimit dual ku merr pjesë edhe ministrja e Arsimit, Arbërie Nagavci. (Shtjefën Gjeçovi në Prishtinë, ora 13:00)