New York, 11 nëntor - Tre gjigantë të botës së internetit Microsoft, Yahoo dhe AOL kanë formuar një aleanca kundër Google dhe Facebook sa i takon shërbimit të reklamave. Aleanca është bërë e ditur këtë javë dhe ka për synim të shesh hapësira për reklamimin me një çmim të ulët.

Zv.presidenti ekzekutiv i Yahoo, Ross Levinsohn është shprehur se kjo synon ndryshime fondamentale në tregun e reklamave në internet.

Tre kompanitë po kërkojnë të ngjallin interes tek kompanitë që kanë nevojë për reklama pasi vëmendja e tyre është drejtuar plotësisht tek Google dhe Facebook.

Aktualisht Facebook është kompania më atraktive për reklama në internet duke qenë se më shumë se 800 000 njerëz janë anëtar në këtë rrjet.

Nga përllogaritjet rezulton se Facebook merr 16 për qind të reklamave. Yahoo kishte 18% në vitin 2008 ndërsa aktualisht ka 13 për qind .

Ndërsa Google nga 18 për qind  në vitin 2008 sot është në kuotën e 9 për qind . Kurse Microsoft qëndron në 5% dhe AOL rreth 4 për qind .