24 Mars 2023

Koreja e Jugut gjobit kompaninë Google me 177 milionë dollarë

Seul, 14 shtator - Organi rregullator kundër monopoleve i Koresë së Jugut ka vendosur një gjobë prej 177 milion dollarë ndaj gjigantit global të teknologjisë Google për abuzimin e pretenduar të dominimit të tregut në sistemin operativ celular dhe tregjet e aplikacioneve.

"Që nga viti 2016, Komisioni i Tregtisë së Paanshme të Koresë (KFTC) është duke hetuar Google mbi akuzat se ka penguar prodhuesit vendorë të telefonave të mençur, si Samsung Electronics Co, të përdorin sisteme operative të zhvilluara nga rivalët", shkruan agjencia e lajmeve Yonhap.

Rregullatori tha se gjiganti global i teknologjisë pengoi konkurrencën e tregut duke kërkuar nga prodhuesit e telefonave të mençur të arrijnë një "marrëveshje kundër fragmentimit (AFA)" kur ata nënshkruajnë kontrata kryesore me Google mbi licencat e aplikacioneve dhe qasjen e hershme në OS.

Sipas marrëveshjes AFA, prodhuesit e pajisjeve nuk lejohen të instalojnë versione të modifikuara të Android OS, të njohura si "piruni Android" në produktet e tyre. Ata gjithashtu nuk lejohen të zhvillojnë pirunët e tyre Android, tha Yonhap.

Rregullatori gjithashtu ka urdhëruar kompaninë Google që t'i japë fund praktikës së saj për të detyruar prodhuesit e pajisjeve android të nënshkruajnë marrëveshjen AFA.

"Ne presim që masat e fundit do të ndihmojnë në krijimin e bazës për ringjalljen e konkurrencës në tregjet e sistemeve celulare dhe aplikacioneve. Kjo gjithashtu pritet të ndihmojë në nisjen e mallrave dhe shërbimeve inovative në tregjet e pajisjeve të mençura", citoi agjencia e lajmeve deklaratën e KFTC-së.

Duke reaguar ndaj vendimit, nga kompania Google thonë se planifikojnë të apelojnë vendimin e rregullatorit.

Në prill të këtij viti, autoritetet turke gjobitën kompaninë Google me 296 milionë lira turke (36.6 milionë dollarë) për shkelje të ligjit të konkurrencës në vend.

Në vitin 2019, Komisioni Evropian vendosi gjithashtu një gjobë prej 1,69 miliardë dollarë për kompaninë Google për shkeljen e rregullave të BE-së kundër monopolit në reklamat në internet.

Kalendari

Ngjarjet e datës 24 mars 2023

- Zëvendëskryeministri Besnik Bislimi dhe ambasadorin e BE-së në Kosovë, Tomas Szunyog, nënshkruajnë marrëveshjen financiare ndërmjet Kosovës dhe Bashkimit Evropian për programin vjetor IPA 2022. (Ndërtesa e Qeverisë, ora 9:00)   

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Edukimin në Fëmijërinë e Hershme dhe Projektligjin pÑ‘r Agjencinë e Kosovës për Akreditim;  (Ndërtesa e Kuvendit, salla N303, ora 10:00)

- Në kuadër të Javës Ndërkombëtare e Parasë, Shoqata e Bankave të Kosovës viziton shkollën fillore “Naim Frashëri” në Vushtrri. (Shkolla “Naim Frashëri” në Vushtrri, ora 10:00)

- Kryetari i AAK-së, Ramush Haradinaj, bën homazhe në Kompleksin Memorial “Dëshmorët e Kombit” në Gllogjan. (Fshati Gllogjan, ora 11:00)

- Mbahet manifestimi qendror në shënim të 25-vjetorit të Epopesë së Dukagjinit dhe 24-vjetorit të ndërhyrjes së NATO-s. Merr pjesë dhe kryetari i AAK-së, Ramush Haradinaj. (Gllogjan, ora 12:00)

- Pas qëndrimit 3 ditor në protestë punëtorët teknik të 10 shkollave të komunës së Prishtinës takohe me kryetarin të Shoqatave Sindikale për veprimet e mëtutjeshme sindikale. (Selia e Federatës se Pavarur e Sektorit Privat të Kosovës, ora 12:30)

- Komisioni për Buxhet, Punë dhe Transfere diskuton rreth situatës në Trustin Pensional ku të ftuar janë guvernatori i BQK-së, Fehmi Mehmeti; Auditorja e Përgjithshme, Vlora Spanca; ministri i Financave, Hekuran Murati dhe drejtori menaxhues i Trustit, Adrian Zalli. (Kuvendi i Kosovës, C203, ora  13:30)

- PSD do të mbajë konferencë për media ku do të flas kryetari i PSD-së, Dardan Molliqaj, rreth protestës të së shtunës. (Zyrët qendrore të PSD-së, ora 15:00)

- Për nder të 24 marsit, Ditës së Bombardimeve ndaj forcave serbe, Rrjeti i OJQ-ve "AVONET" organizon "Kafen e Miqësisë dhe Falenderimeve". (Lokali “Mom Ami” në “The Village&Shopping&Fun” Ferizaj, ora 19:30)