New York, 23 shkurt - Shumë shpejt për të parë e-mail-in, për të kërkuar në internet apo për të marrë të dhëna nga sateliti do të mjaftojë vetëm vënia e një palë syzeve për të shtuar efektin real në pamje.

Nuk është aspak tema e një filmi fantastiko-shkencor, por kemi të bëjmë me projektin e fundit të laboratorit sekret të Google: një aparaturë që projekton të dhënat në kohë reale përpara syve tanë.

Sipas përshkrimeve të NYT kjo pajisje do të jetë në shitje brenda 2012, do të bazohet në Android dhe do të ketë një çmim që mund të variojë nga 250 deri në 600 dollarë.