28 Mars 2023

Google lanson rrjetin e vet për shoqërim Buzz

SHBA, 11 shkurt - Google ka lansuar rrjetin e ri për shoqërim Buzz, i cili u mundëson përdoruesve të përditësojnë, ndajnë përmbajtjet dhe të shkruajnë komente në publikimet e miqve të tyre. Buzz kështu është bërë pandan i Facebookut, i cili aktualisht ka rreth 400 milionë përdorues të regjistruar.

Qëllimi i këtij rrjeti për shoqërim është që të tentoj të mbledh përdoruesit e Gmail, të cilët aktualisht janë rreth 170 milionë, por edhe njerëzit tjerë në mbarë botën.

\"Buzz është ndryshe dhe ka shumë përmbajtje interesante. Është praktik për përdorim me anë të celularit. Megjithatë, shtrohet pyetja nëse ai do të jetë tërheqës për përdoruesit e rrjeteve tjera të shoqërimit, siç janë Twitter apo Facebook\", ka thënë për BBC, eksperti i teknologjisë Rory Cellan-Jones.

Buzz është i integruar drejtpërdrejt në Gmail. Përdoruesit do të mund të publikojnë përmbajte private dhe publike dhe përditësime, të emëruara si \"buzz\" si dhe të shkarkojnë përmbajtje nga faqet tjera, siç janë Twitter, Flickr e YouTube.

Porositë në Buzz automatikisht kategorizohen si private në arkën e porosive të Gmail, si dhe përditësimet tyre në mënyrë automatike shtohen në faqen e profilit të përdoruesve.

Në Buzz janë integruar elemente të Twitter, siç është mundësia e “ndjekjes” së njerëzve me të cilët ndahet përmbajtja e njëjtë, dhe sikur në Facebook njerëzit mund të shprehen nëse ndonjë gjë u pëlqen apo jo.

Është integruar edhe platforma për celularë, respektivisht mund të përdoret edhe aplikacioni mobil i Buzz i cili punon në parimin e sistemit operativ Android.

Përditësimet publike do të shtohen në direktoriumin e biznesit Google Places, ku do të mund të kërkohen restorante, teatro dhe përmbajtje tjera të ngjashme.

Në vitin 2004 Google kishte lansuar rrjetin për shoqërim online Orkut, i cili ishte jashtëzakonisht i popullarizuar në Brazil dhe Indi. Megjithatë, ky rrjet nuk ka mundur të mbijetojë në pjesët tjera të botës për shkak të kërkesës së madhe për rrjetin Facebook i cili ishte lansuar po të njëjtin vit. 

Kalendari

Ngjarjet e datës 29 mars 2023

- Komisioni për Ekonomi, Industri, Ndërmarrësi dhe Tregti shqyrton ndryshimin dhe plotësimin e Ligjit për mbrojtjen e konsumatorit. (Kuvendi i Kosovës, salla N506, ora 10:00)

- Komisioni për Mbikëqyrjen e Agjencisë së Kosovës për Inteligjencë diskuton rreth çështjeve vijuese nga fushëveprimi i Komisionit. (Kuvendi, salla N302, ora 10:00)

- Qendra e Kosovës për Eksport organizon ngjarjen “Rritja e eksportit përmes platformës KoEx”. (Hotel Sirius, ora  10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive Ekzekutive. (Kuvendi, salla N10, ora 11:00)

- Komisioni për të Drejtat dhe Interesat e Komuniteteve dhe Kthim shqyrton Projektligjin për Prokurorin e Shtetit si dhe ndryshimin dhe plotësimin e Ligjit për trajtimin e ndërtimeve pa leje. (Kuvendi, salla N303, ora 11:00)

- Promovohet romani “Duke ndjekur fluturat” i autores Hana Hoxha, i cili ka si fabulë edukimin e nxënësve/fëmijëve për rolin e policisë në sigurinë e tyre. (Biblioteka Kombëtare, ora 12:00)

- Bëhet inaugurimi i punëtorisë së Floktarisë në Qendrën e Kompetencës “Shtjefën Gjeçovi”, e cila do të shërbejë për zbatimin e mësimit dual ku merr pjesë edhe ministrja e Arsimit, Arbërie Nagavci. (Shtjefën Gjeçovi në Prishtinë, ora 13:00)