31 Maj 2023

Amazon planifikon të shkurtojë 9000 vende të tjera pune

New York, 21 mars - Gjiganti i shitjes me pakicë në internet Amazon planifikon të shkurtojë 9000 vende të tjera pune, pasi kërkon të kursejë kostot.

Firma, e cila punëson 1.5 milionë njerëz në mbarë botën, tha se shkurtimet do të bien kryesisht në fushat duke përfshirë “cloud computing” dhe reklamat. Firma ka hequr tashmë 18,000 vende pune në janar.

Bosi Andy Jassy tha se ishte një vendim i vështirë, por do të ishte më mirë për kompaninë në planin afatgjatë.

 “Duke pasur parasysh ekonominë e pasigurt në të cilën jetojmë dhe pasigurinë që ekziston në të ardhmen e afërt, ne kemi zgjedhur të jemi më të efektshëm në kostot dhe numrin e personelit tonë”, tha Jassy.

Ashtu si shumë gjigantë të teknologjisë, Amazon pa një lulëzim të shitjeve gjatë pandemisë kur klientët ishin të mbërthyer në shtëpi.

Por kohët e fundit shitjet e tij janë ngadalësuar pasi konsumatorët shpenzojnë më pak për shkak të krizës së kostos së jetesës.

Një zonë tjetër që do të ketë shkurtime është Twitch, një platformë transmetimi live për përmbajtje duke përfshirë lojërat dhe muzikën.

Kjo vjen disa ditë pasi Emmett Shear njoftoi se do të largohej nga posti i shefit ekzekutiv të Twitch pas 16 vitesh në post.

Kalendari

Ngjarjet e datës 31 maj 2023

- Zyra Rajonale për Bashkëpunim Rinor RYCO në partneritet me Asociacionin e Gazetarëve të Kosovës dhe Deutsche Welle, mbajnë konferencën përmbyllëse të ciklit të dytë të programit “Transmetuesit e Paqes: Fuqizimi i gazetarëve të rinj si raportues të paqes”. (Salla e Konferencave “Orion”, ora 9:30)

- Komisioni për Shëndetësi dhe Mirëqenie Sociale shqyrton Projektëligjin për parandalimin dhe kontrollin e sëmundjeve ngjitëse. (Ndërtesa e Kuvendit, salla N303, ora 10:00)

- Instituti Kombëtar i Shëndetësisë Publike shënon Ditën Botërore pa Duhan me moton “Ne kemi nevojë për ushqim, jo për duhan”. (Ndërtesa e Institutit, ora 10:00)

- Kompania Rajonale e Ujësjellësit “Prishtina” do të ndërmarrë aksion për shkyçje në tri objekte banesore në Prishtinë. (Nisja e organizuar nga objekti i KRU “Prishtina”, Emshir, ora 10:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla salla C 301, ora 11:00)

- Ministrja e Drejtësisë, Albulena Haxhiu, raporton në Komisionin për Integrim Evropian. (Ndërtesa e Kuvendit, salla N302, ora 11:00)

- Komisioni për Mbikëqyrjen e Financave Publike shqyrton Raportin e auditimit për pasqyrat vjetore financiare, të Institucionit të Avokatit të Popullit për vitin 2022. (Ndërtesa e Kuvendit, salla N302, ora 11:30)

- Promovohet libri "E vërteta e aktorit" e autorit Naim Berisha. (Amfiteatri i Bibliotekes Kombëtare, ora 12:00)

- Kryetari i Lidhjes Demokratike të Kosovës, Lumir Abdixhiku, mban konferencë për medie lidhur me situatën aktuale në veri. (Selia e LDK-së te Qafa, ora 13:30)