Romë, 27 tetor - Skuadra e Romës është futur në garë për shërbimet e sulmuesit të Manchester City-t, argjentinasit Carlos Tevez, shkruan të mërkurën \"Gazzetta dello Sport\".

Drejtuesit e Romës do të kërkojnë huazimin e Tevezit gjatë merkatos së dimrit, me mundësi blerjeje në fund të këtij sezoni në vlerën e 30 milionë eurove.

Tevez, 27-vjeçar, nuk është në planet e trajnerit të Manchester City-t, Roberto Mancini pas problemeve që kanë patur me njëri-tjetrin dhe një \"divorc\" i mundshëm mund të ishte në favor të të dyja palëve. Sulmuesi argjentinas pritet të largohet nga skuadra angleze në janar.