Madrid, 15 shkurt - Reali i Madridit bëri të ditur se ka arritur marrëveshjen me Rasing Santander për blerjen e talentit Serxho Kanales.

“Merengues” kanë qenë prej kohësh në gjurmët e lojtarit, që prej shpërthimit të tij në fund të vitit 2009.

Dy klubet kishin më shumë se një javë që po diskutonin rreth detajeve të transferimit të mesfushorit me tipare sulmuese, ndërsa nëpërmjet një deklarate për shtyp, madrilenët deklaronin:

“Real Madrid dhe Rasing Santander gjetën akordin për transferimin e lojtarit Serxho Kanales Madrazo. Kontrata rreth 18-vjeçarit, i cili ka kushtuar 5 milionë euro, do të bëhet efektive prej 1 korrikut”.