Liverpool ofron 37 milionë paundë për Gotzen
Lajmi bëhet publik nga e përditshja gjermane “Bild”, sipas së cilës, trajneri i “The Reds”, Jurgen Klopp, mendon se është në gjendje që të bindë futbollistin e Bajernit të Mynihut për t\'u vënë sërish nën urdhrat e tij, si dikur te Borussia Dortmund.
Vetë Gotze nuk e ka përjashtuar një mundësi të tillë, ndërkohë që kontrata e tij me kampionët e Gjermanisë skadon në verën e vitit të ardhshëm.
“Kam një kontratë me Bajernin deri në vitin 2017. Të shohim se çfarë do të ndodhë. Për momentin askush nuk ka kontaktuar me mua“, u shpreh Gotze.
Mario Gotze ka luftuar shumë për të gjetur një vend në formacion te Bajerni që nga momenti kur në këtë skuadër erdhi Pep Guardiola, pasi në të shumtën e rasteve ai i ka nisur ndeshjet nga stoli, ndërkohë që në këtë sezon gjërat nuk po shkojnë siç duhet për të për shkak të një dëmtimi që e ka lënë atë jashtë fushave të lojës që nga muaji tetor.
