Madrid, 28 dhjetor - Drejtuesit e Real Madridit ua kanë bërë të qartë shefave të Manchester Unitedit se Gareth Bale nuk është në shitje.

Në javët e fundit, anësori uellsian është lidhur me një kalim në Old Trafford, ndërsa oferta e Djajve të Kuq ka qenë shumë e lartë.

Mirëpo, Daily Express raporton se Los Blancos nuk janë të interesuar ta shesin futbollistin më të shtrenjtë në botë.

Madje shefat e Realit thonë se as 300 milionë euro nuk do të mjaftonin për t’i bindur ata që ta lejonin largimin e 25-vjeçarit.