24 Mars 2023

Alvaro Morata kthehet në Juventus

Torino, 23 shtator - Sulmuesi spanjoll Alvaro Morata është kthyer në Juventus të Italisë si huazim, njoftoi klubi italian.

"Ai do të jetë pjesë e ekipit të këtij viti me mundësinë për vazhdimin e huazimit për një vit tjetër, plus mundësinë e blerjes", njoftoi Juventusi në faqen e tij të internetit.

"Klubi i futbollit Juventus njofton për finalizimin e një marrëveshjeje me Atletico Madridin për blerjen e përkohshme deri në fund të sezonit 2020/2021 të të drejtave të regjistrimit të lojtarit Alvaro Morata në vlerën prej 10 milionë euro që do të paguhen gjatë vitit financiar aktual", thuhet në deklaratë.

Pala e Torinos ka mundësinë të blejë sulmuesin spanjoll në fund të sezonit 2020/21 për 45 milionë euro (52 milionë dollarë).

Gjithashtu, pala italiane ka të drejtë të vazhdojë huazimin e përkohshëm deri në fund të sezonit 2021-22 për një shumë prej 10 milionë euro (11 milionë dollarë).

Morata më parë ka luajtur për klubet spanjolle Real Madrid dhe Atletico Madrid dhe për klubin anglez Chelsea.

Sulmuesi 27-vjeçar ndihmoi Real Madridin të fitojë dy tituj të Ligës së Kampionëve të UEFA-s dhe dy trofe të Kupës Botërore të Klubeve të FIFA-s.

Kur ishte pjesë e Juventusit nga viti 2014 deri në 2016 ai shënoi 27 gola dhe 18 asiste në 93 ndeshje.

Kalendari

Ngjarjet e datës 24 mars 2023

- Zëvendëskryeministri Besnik Bislimi dhe ambasadorin e BE-së në Kosovë, Tomas Szunyog, nënshkruajnë marrëveshjen financiare ndërmjet Kosovës dhe Bashkimit Evropian për programin vjetor IPA 2022. (Ndërtesa e Qeverisë, ora 9:00)   

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Edukimin në Fëmijërinë e Hershme dhe Projektligjin pÑ‘r Agjencinë e Kosovës për Akreditim;  (Ndërtesa e Kuvendit, salla N303, ora 10:00)

- Në kuadër të Javës Ndërkombëtare e Parasë, Shoqata e Bankave të Kosovës viziton shkollën fillore “Naim Frashëri” në Vushtrri. (Shkolla “Naim Frashëri” në Vushtrri, ora 10:00)

- Kryetari i AAK-së, Ramush Haradinaj, bën homazhe në Kompleksin Memorial “Dëshmorët e Kombit” në Gllogjan. (Fshati Gllogjan, ora 11:00)

- Mbahet manifestimi qendror në shënim të 25-vjetorit të Epopesë së Dukagjinit dhe 24-vjetorit të ndërhyrjes së NATO-s. Merr pjesë dhe kryetari i AAK-së, Ramush Haradinaj. (Gllogjan, ora 12:00)

- Pas qëndrimit 3 ditor në protestë punëtorët teknik të 10 shkollave të komunës së Prishtinës takohe me kryetarin të Shoqatave Sindikale për veprimet e mëtutjeshme sindikale. (Selia e Federatës se Pavarur e Sektorit Privat të Kosovës, ora 12:30)

- Komisioni për Buxhet, Punë dhe Transfere diskuton rreth situatës në Trustin Pensional ku të ftuar janë guvernatori i BQK-së, Fehmi Mehmeti; Auditorja e Përgjithshme, Vlora Spanca; ministri i Financave, Hekuran Murati dhe drejtori menaxhues i Trustit, Adrian Zalli. (Kuvendi i Kosovës, C203, ora  13:30)

- PSD do të mbajë konferencë për media ku do të flas kryetari i PSD-së, Dardan Molliqaj, rreth protestës të së shtunës. (Zyrët qendrore të PSD-së, ora 15:00)

- Për nder të 24 marsit, Ditës së Bombardimeve ndaj forcave serbe, Rrjeti i OJQ-ve "AVONET" organizon "Kafen e Miqësisë dhe Falenderimeve". (Lokali “Mom Ami” në “The Village&Shopping&Fun” Ferizaj, ora 19:30)