Hollywood, 4 tetor - Ylli i muzikës pop, Pink, ka siguruar rolin e parë të rëndësishëm filmik në një projekt të ri të Gwyneth Paltrow dhe Mark Ruffalo që flet mbi vartësinë nga seksi.

Këngëtarja që së fundmi është bërë nënë, do të debutojë në një rol me vlerë në filmin “Thanks For Sharing”, me emrin e saj të lindjes, Alecia Moore.

Filmi, në të cilin luajnë edhe Tim Robbins, Patrick Fugit dhe Joely Richard, është një dramë komike që tregon për një grup miqsh të grumbulluar për t`u rikuperuar nga vartësia e tyre prej seksit.