31 Mars 2023

Mbahet Ora e Madhe Letrare 'Vjeshta Poetike'

Obiliq, 4 dhjetor - Në ambientet e sallës së Kuvendit Komunal të Obiliqit u mbajt Ora e Madhe Letrare “Vjeshta Poetike në Obiliq, 2022”, edicioni i VII-të, ku morën pjesë poetë nga Kosova, Shqipëria, Maqedonia e Veriut, etj.

Në këtë Orë Letrare, e cila tashmë është bërë tradicionale dhe mbahet për çdo vjet, ndërsa këtë vit u mbajt për të shtatën herë me radhë, kanë marrë pjesë poetë nga Prishtina, Tirana, Shkupi, Burreli, Prizreni, Gjakova, Ferizaji, Vushtrria, Klina, Lypjani, Vitia, Besiana, Fushë Kosova, etj.

Poezitë e tyre i lexuan këta poetë: Behram Hoti, Hysen Greiçevci, Hamdi Hysuka, Gjokë Sokoli, Idriz Berisha-Xhixhi, Syhejl Havolli, Fatmir Çitaku, Drita Kosumi-Syla, Xhemajl Hajdini, Halit Zymeri, Memet Selmani, Bahrije Qerimi-Spanca, Ihsane Krasniqi, Mexhid Havolli, Ferdane Pllana, Abdullah Troshupa, Mejrem Kajolli-Tusha, Bekim Dugolli, Blerta Tmava, Fazli Ferati, Ilirida Ismaili, Kujtim Stana, Mirvete Kabashi-Leku, Sanije Ahmeti-Dubova, Ahmet Pllana, etj.

Pasi lexuan të gjithë dhe rapsodi Tahir Seferi nga Shkupi i këndoi dy këngë, juria e përbërë nga Sanije Ahmeti-Dubova, Ahmet Pllana dhe Zymer Mehani njoftuan se në konkurs kanë arritur 46 poezi, kurse Çmimi i parë iu nda poezisë me titull “Mos e fikni dritën” me shifër “Gjoni”, Çmimi i dytë iu nda poezisë me titull “Në kornizë mbërthyer” me shifër “Nëna” dhe Çmimi i tretë poezisë me titull “Në strehën e kujtimeve” me shifër “Pa shifër”.

Meqë Komuna nuk e ka mbështetur këtë event kulturor poetik me mjete financiare, për çmimet nuk ndahen euro.

Në fund, të gjithë pjesëmarrësve iu dhurua nga një libër me poezi “Vjeshta Poetike në Obiliq 2022”, me të gjitha poezitë e arritura në konkurs. Gjithashtu të gjithë pjesëmarrësve iu nda nga një Mirënjohje.

Ahmet Pllana
 

Kalendari

Ngjarjet e datës 31 mars 2023 - Me rastin e shënimit të 24 vjetorit të masakrës së Burimit, Komuna e Malishevës organizon akademi përkujtimore. (Salla e Kuvendit të Komunës së Malishevës, ora 11:00)

- Lëvizja FOL organizon konferencë me ç’rast do të prezantohen gjetjet nga monitorimi i publikimit të vendimeve nga gjykatat e Kosovës për vitin 2022, si dhe në bazë të këtyre gjetjeve do të ndahet “Çmimi për Gjykatën më Transparente” - për dedikim të vazhdueshëm në ngritjen e transparencës përmes publikimit të vendimeve gjyqësore. (Swiss Diamond Hotel, ora 11:00)

- Kryetari I Federatës Sindikale te Sektorit Privat të Kosovës, Jusuf Azemi do të mbaj konferencë për shtyp lidhur me protestën dhe grevën e punëtorëve teknik të këtij spitali që veq ka filluar para dy ditësh. (Spitali Isa Grezda në Gjakovë, ora 11:00)

- Komisioni për Punë të Jashtme dhe Diasporë diskuton lidhur me kërkesën për zhvillim të diplomacisë parlamentare nga Qendra për Studime Politike dhe Diplomatike. (Ndërtesa e Kuvendit, salla N303, ora 11:00)

- Mbahet manifestimi përkujtimor me rastin e 24-vjetorit të vrasjes dhe masakrimit të 106 civilëve në fshatin Pastasel të komunës së Rahovecit. (Kompleksi i Martirëve, Pastasel, ora 11:00)

- Kryetari i Komunës së Malishevës Ekrem Kastrati bën homazhe në varrezat e martirëve në fshatin Dragobil dhe të Kompleksi në vendin e ngjarjes Vrella e Mëhillit. (Fshati Burim, ora 12:00)

- Komuna e Prishtinës përuron hapësirën e dedikuar për sigurinë e nxënësve dhe komunitetin në hapësirat përreth Shkollës Fillore “Elena Gjika”. (Afër shkollës, ora 13:00)

- Komiteti Olimpik i Kosovës organizon Asamblenë e Punës për vitin 2022. (Hotel Emerald, ora 17:00)