Jolie: Filmi në Bosnje nuk hapet me përdhunim

Sarajevë, 21 tetor - Angelina Jolie, e angazhuar në regjistrimet e filmit të saj për luftën në Bosnje, ka dashur të bëjë disa saktësime mbi lajmet që qarkullojnë në media.

Sipas saj, filmi nuk do të fillojë me një skenë përdhunimi.

Jolie ka pasur probleme me autoritetet boshnjake në lidhje me lejen e regjistrimit, kjo për shkak të protestës së grave viktima të kësaj lufte që kanë denoncuar teprimin me skenat e torturës dhe përdhunimit.

Ky film shënon edhe përpjekjen e saj të parë si regjisore.