28 Mars 2023

Hapet 'Java e Dizajnerëve' në dyqanin e bamirësisë Teshavesha

Prishtinë, 19 dhjetor - Sot në dyqanin e bamirësisë Teshavesha organizohet hapja e 'Javës së Dizajnerëve' ku do të ketë edhe një koktel rasti. 

Me rastin e fundvitit, nën udhëheqjen e Kosovo Apparel Marketing Association - KAMA dhe të Empower Private Sector kreatorët filantrop dhuruan kreacionet e tyre për t'i kontribuar komunitetit e bamirësisë Teshavesha.

Nga 19 Dhjetor, do të mund t'i gjeni krijimet e tyre me çmime shumë të lira në dyqanin 'Teshavesha'.

Shitjet nga dyqani financojnë programet për shëndetësi të Fondacionit 'Aksioni për Nëna dhe Fëmijë'.

Kreatorët e 'Javës së Modës' për Dhjetor janë: Fetije Mehmeti, Jetmira Bejtullahu, Krenare Rugova, Lia Stublla, Njomëza Luci, Solid dhe Shema Sahiti.

 

Kalendari

Ngjarjet e datës 29 mars 2023

- Komisioni për Ekonomi, Industri, Ndërmarrësi dhe Tregti shqyrton ndryshimin dhe plotësimin e Ligjit për mbrojtjen e konsumatorit. (Kuvendi i Kosovës, salla N506, ora 10:00)

- Komisioni për Mbikëqyrjen e Agjencisë së Kosovës për Inteligjencë diskuton rreth çështjeve vijuese nga fushëveprimi i Komisionit. (Kuvendi, salla N302, ora 10:00)

- Qendra e Kosovës për Eksport organizon ngjarjen “Rritja e eksportit përmes platformës KoEx”. (Hotel Sirius, ora  10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive Ekzekutive. (Kuvendi, salla N10, ora 11:00)

- Komisioni për të Drejtat dhe Interesat e Komuniteteve dhe Kthim shqyrton Projektligjin për Prokurorin e Shtetit si dhe ndryshimin dhe plotësimin e Ligjit për trajtimin e ndërtimeve pa leje. (Kuvendi, salla N303, ora 11:00)

- Promovohet romani “Duke ndjekur fluturat” i autores Hana Hoxha, i cili ka si fabulë edukimin e nxënësve/fëmijëve për rolin e policisë në sigurinë e tyre. (Biblioteka Kombëtare, ora 12:00)

- Bëhet inaugurimi i punëtorisë së Floktarisë në Qendrën e Kompetencës “Shtjefën Gjeçovi”, e cila do të shërbejë për zbatimin e mësimit dual ku merr pjesë edhe ministrja e Arsimit, Arbërie Nagavci. (Shtjefën Gjeçovi në Prishtinë, ora 13:00)