Prishtinë, 2 shtator - Presidenti Republikës së Kosovës, Fatmir Sejdiu zhvilloi një takim me shefin e  Ushtrisë Shqiptare gjeneralin Maksim Malaj.

Sejdiu falënderoi gjeneralin Malaj për përkrahjen që po jep Ushtria Shqiptare, si anëtare e NATO-s, për ngritjen dhe profesionalizimin e Forcës së Sigurisë së Kosovës.

Në këtë takim, u theksua se bashkëpunimi i ndërsjellë i vendeve të rajonit për paqe dhe stabilitet ndikon drejtpërdrejt në përshpejtimin e integrimit të kësaj pjese të Evropës Juglindore në strukturat euroatlantike.