Beograd, 30 maj - Ish udhëheqësi ushtarak i serbëve të Bosnjes, Ratko Mlladiç, ka mundësi që të ekstradohet për në Hagë, sot ose nesër, ka thënë gjykatësi turk Mehmet Gunej, ushtrues i detyrës së presidentit të Gjykatës Penale Ndërkombëtare për ish- Jugosllavinë.

Ndërkaq, agjencia serbe Beta, raporton se në qendër të Beogradit, situata është e qetë, ndërsa nuk ka shumë njerëz të mbledhur në protestën e thirrur nga Partia Radikale serbe, e cila kundërshton arrestimin e Ratko Mlladiçit por njoftohet se ka prani të madhe policësh.