Prishtinë, 24 maj - Nga përleshja me armë zjarri që ka ndodhur mes dy grupeve të nxënësve para Gjimnazit “ Sami Frashëri”, ka mbetur i vdekur nxënësi Muhamet Cakaj (1992), përderisa merret vesh se nxënësi tjetër Adnan Kadrolli (1992) ka mbetur i lënduar rëndë. 

Zëdhënësi i QUKK-së, Shpend Fazliu, bëri të ditur se rreth orës 12:45, në Qendrën Emergjente janë sjellë 2 persona të lënduar.

“Rreth orës 12:45, janë sjellë 2 pacientë në gjendje të rëndë, njëri nga ta pa shenja jete, përkundër përpjekjeve të mjekëve, pacienti nuk ka arritur të kthehet në  jetë, kurse pacienti tjetër po vazhdon të ekzaminohet në  QKUK” tha ai.