Lipjan, 8 mars - Për nderë të 8 Marsit “Ditës së Gruas”, Zëvendëskryeministri dhe Ministri i Drejtësisë, Hajredin Kuçi, vizitoi Qendrën Korrektuese për Femra në Lipjan, ku të gjitha grave që vuajnë dënimin në këtë qendër, ua uroi këtë festë.

Më këtë rast, Kuçi tha se sot ka shkuar për vizitë në Qendrën Korrektuese për Femra në Lipjan për të festuar 8 Marsin, bashkë me gratë të cilat vuajnë dënimin në këtë qendër.

“Me lejoni që në emër të Ministrisë së Drejtësisë dhe në emrin tim, t’ju uroi 8 Marsin. Ka qenë qëllimi im që bashkë me stafin, të jemi këtu dhe ta festojmë bashkë me ju këtë ditë që është më rendësi për nënat, motrat, gratë dhe vajzat tona dhe t’ju dëshirojë çdo të mirë në jetë”, tha Kuçi.

Sipas Ministri Kuçi, Ministria e Drejtësisë dhe Shërbimi Korrektues i Kosovës, kujdesën që në kuadër të ligjit, të gjitha gratë e Qendrës Korrektuese në Lipjan, të kenë kushte të mira për jetë, integrim, risocializim dhe mbi të gjitha të kthehen si qytetare të barabarta pas përfundimit të obligimeve të tyre ligjore.

Për të uruar gratë të cilat vuajnë dënimin në këtë qendër, bashkë me Ministrin Kuçi ishte edhe Peter Bach, Udhëheqësi i Sektorit të Fuqizimit në EULEX.