Prishtinë, 12 maj - Ish-ministri i Transportit dhe Postë Telekomunikacionit, tashmë deputet i Kuvendit të Kosovës, Fatmir Limaj, është thirrur në Prokurorinë Speciale të Kosovës më 20 maj .

Limaj i cili është duke u hetuar nga EULEX-i edhe për korrupsion, kësaj radhe është thirrur të japë deklaratën e tij në cilësinë e të dyshuarit për kryerjen e veprës penale të krimeve të luftës bëjnë me dije mediat kosovare.

Lajmin e ka konfirmuar shefi i zyrës për informim të këtij misioni, Nicholas Houton.