Prishtinë, 14 Nëntor - Pas largimit të burgosurve H.K, G.M, N.R, të cilit ishin në vuajtje të dënimit në Qendrën Korrektuese në Dubravë dhe kthimit në vuajtjen e dënimit të burgosurit N.R, dje rreth orës 11:00, sot rreth orës 10:30, për të vuajtur dënimin janë kthyer edhe të burgosurit H.K dhe G.M.

Të tre të burgosurit të cilët janë larguar nga Qendra Korrektuese e Dubravës, kanë qenë shfrytëzues të rregullt të beneficioneve të parapara me ligj dhe që kanë qenë të vendosur në Pavijonin gjysme të hapur, pavijon ky i cili nuk ka pengesa fizike dhe në të cilin vendosen të dënuarit të cilët shfrytëzojnë beneficionet e parapara me ligj.