Beograd, 15 shtator - Shoqata e luftëtarëve të luftës nga viti 1990 në Prokuple të Serbisë ka nisur regjistrimin e vullnetarëve për, siç thuhet, mbrojtjen e popullit serb në Kosovë.
 
Kjo shoqatë përmes një komunikate për media u ka bërë thirrje të gjithë atyre që dëshirojnë që të regjistrohen në këtë shoqatë, që të vijnë për regjistrim në hapësirat e shoqatës dhe që me vete të marrin edhe librezën ushtarake.

“Regjistrimi bëhet çdo ditë në hapësirat e Shoqatës së luftëtarëve të luftës nga viti 1990 në Prokuple. Me vete duhet pasur librezën ushtarake. Për aktivitetet tjera opinioni do të njoftohet me kohë. U bëjmë thirrje të gjitha shoqatave patriotike që të na bashkëngjiten dhe të mbështesin aksionin tonë”, thuhet në deklaratën e publikuar në internet nga kryetari i Komitetit ekzekutiv të Shoqatës së luftëtarëve të luftës, Tomica Stevanoviq.